A Asociación Fuco Buxán comunicou à nossa entidade a sua adesom à proposta de que Carvalho Calero protagonize o 17 de Maio de 2009, 19 anos depois do seu falecimento. Reproduzimos a seguir a carta remetida pola directiva dessa entidade amiga ferrolana à Real Academia Galega com esse objectivo.

A/A. da Real Academia Galega:

A directiva da Asociación Cultural Fuco Buxán tomou como resolución este venres 4 de xaneiro apoiar a proposta da Fundación Artabria de cara a favorecer a designación de Carvalho Calero para as Letras Galegas de 2009, polo seu compromiso con esta a nosa terra, a súa cultura e o seu compromiso antifranquista.

Falecido en 1990 diversas entidades teñen repetidamente insistido nos últimos 17 anos na necesidade dun recoñecemento a Carvalho, representante do nacionalismo histórico comprometido coa causa antifascista e defensor da unidade lingüística galego-portuguesa. Facemos constar que para Fuco Buxán o reintegracionismo non debe ser un obstáculo para a concesión das Letras Galegas do 2009.

Asdo. Manuel A. Rodríguez Carballeira
Presidente da Asociación Cultural Fuco Buxán

Além do envio à Secretaria da RAG, a Asociación Fuco Buxán incorporou um banner da campanha ao seu web, com a legenda 'Polo seu compromiso coa nosa terra, a súa cultura e o seu compromiso antifranquista'.

Queremos daqui agradecer a adesom dos companheiros e companheiras da Asociación Fuco Buxán.