Siareir@s Galeg@s organizam na sexta-feira, 29 de Fevereiro, no nosso Local Social umha festa coincidindo com o debut da selecçom nacional masculina de futebol de salom em Ferrol.
Na festa, que começará às 22h, actuarám o grupo de punk-rock de Pontedeume Arenga, assim como os DJ´s de Sem Fronteiras sound anti-sistema. A entrada é de graça.
Para ter mais informaçom dos actos organizados por Siareir@s Galeg@s para esse dia podes consultar o seu sítio web premendo cá.

No passado dia 21 decorreu na sede municipal de Ferrol a reuniom constituinte do Conselho Municipal de Língua, com um atraso importante se tivermos em conta que a actual legislatura começou no passado mês de Junho.

Leia mais »

A Fundaçom Artábria também estivo presente na manifestaçom do passado domingo, 17 de Fevereiro, convocada pola Plataforma Galiza nom se Vende. Ali somamo-nos às vozes contra Reganosa e em defesa de um modelo de desenvolvimento sustentável, frente às políticas predadoras do actual governo da Junta e dos anteriores.

Leia mais »

Continuamos a recolher adesons variadas para a campanha polo Dia das Letras '09 para Carvalho Calero. Deste vez, som o Paulo Rico e a Beatriz Peres, representantes da Gentalha do Pichel, entidade irmá da capital da Galiza, que como nós gere um Centro Social para a promoçom da língua e do activismo social; e a vereadora da Cultura da Cámara Municipal de Ferrol, Yolanda Díaz, que nom quijo deixar de fazer pública a sua adesom.

Agradecemos como sempre os apoios e continuamos avante com o objectivo de um reconhecimento nacional para um grande erudito e militante da língua nascido em Ferrol: Ricardo Carvalho Calero.

Pois é. Vamos prolongar o mais que pudermos a festa da carne, por mais que pese à Conferência Episcopal, e homenagearemos o serviçal porco, ingrediente fundamental da nossa gastronomia nacional, com umha ceia no sábado 23 de Fevereiro, onde nom faltará nengum componente de umha mesa galega de Entruido.

Leia mais »

Continuamos apresentando-vos apoios para a iniciativa por um Dia das Letras para Carvalho Calero. Desta vez som o actor Miguel de Lira e o presidente do Ateneo Ferrolán, Eliseo Zaera, que mostram graficamente a sua adesom.

No caso de Miguel de Lira, recolhemos o momento em que assina em favor da campanha. Também o companheiro Eliseo assinou, ainda que nom recolhamos esse instante na fotografia que vos mostramos.

Obrigad@s ao Miguel e ao Eliseo pola sua colaboraçom nesta boa causa!

Já podemos mostrar-vos duas novas adesons ao nosso pedido dirigido à Real(!?) Academia Galega (RAG) para que dedique o 17 de Maio de 2009 ao escritor e erudito ferrolano Ricardo Carvalho Calero. Desta vez som o actor e músico Carlos Santiago e Fabián, do grupo humorístico-musical 'Os da Ria".

Obrigad@s aos dous!!

Formada por oito quadros com textos e imagens, umha exposiçom dedicada ao Che Guevara estará patente no nosso Centro Social entre os dias 1 de Fevereiro e 10 de Março, por iniciativa da organizaçom juvenil independentista BRIGA.

Leia mais »

Além da recolha de assinaturas e a adesom de entidades culturais de todo o País, alguns vultos da nossa cultura começam a aderir à campanha promovida pola Artábria em favor da candidatura de Ricardo Carvalho Calero para o Dia das Letras '09. Aqui vos mostramos os primeiros apoios gráficos: o escritor Séchu Sende e a actriz Comba Campoi.

De todo o pessoal da Artábria, ao Séchu e à Comba, obrigadíssim@s!!

Ontem, sábado dia 2 de Fevereiro, por iniciativa da rede de acçom sociocultural Arredemo e de Burla Negra, decorreu no centro sociocultural Torrente Ballester de Ferrol o espectáculo 'Ultranoite em defesa da Ria', com a capela do antigo Hospital de Caridade lotada e grande sucesso de público. A seguir, membros e simpatizantes de todos os colectivos vinhérom cear ao Centro Social da Fundaçom Artábria, numha noite festiva e reivindicativa que se prolongou até mais das três da manhá.

Leia mais »