Ontem, sábado dia 2 de Fevereiro, por iniciativa da rede de acçom sociocultural Arredemo e de Burla Negra, decorreu no centro sociocultural Torrente Ballester de Ferrol o espectáculo 'Ultranoite em defesa da Ria', com a capela do antigo Hospital de Caridade lotada e grande sucesso de público. A seguir, membros e simpatizantes de todos os colectivos vinhérom cear ao Centro Social da Fundaçom Artábria, numha noite festiva e reivindicativa que se prolongou até mais das três da manhá.

No espectáculo teatral e musical participárom, a partir das 20h30, numerosos actores, actrizes e music@s do panorama cultural galego actual: Miguel de Lira, Carlos Santiago, Os da Ria, Pepe Penabade, Comba Campoi, as cantareiras e cantareiros de Meá, e um longo et cetera.

Já na ceia posterior, o nosso centro social encheu-se com quase 80 comensais na sala principal, incluindo o elenco de participantes na Ultranoite e membros dos colectivos que na comarca se enfrentam à imposiçom de REGANOSA. Além do bom ambiente, em simultáneo, na cafetaria, com grupos de entruido a cantar e beber uns suminhos...

Nós aproveitamos para dar a conhecer a campanha em favor do Dia das Letras de 2009 para Carvalho Calero, conseguindo muitas adesons, algumhas das quais vamos ilustrar em próximas postagens.