Mais um ano, o 1º de Maio foi umha festa reivindicativa na Artábria. Ao concluir a mobilizaçom convocada pola CIG, o centro social encheu-se de trabalhadores e trabalhadoras, incluído o colectivo de operários imigrantes peruanos que trabalham na construçom civil na nossa comarca. À noite, a organizaçom juvenil BRIGA organizou um concerto com os grupos Arenga, de Pontedeume, e Trapalhada, da Corunha.

A iniciativa tivo umha boa resposta de público, e o centro social quase ficou pequeno para escuitar música galega e em galego durante várias horas. Aqui vos deixamos algumhas imagens da sessom musical do Dia do Internacionalismo Proletário.