« Sebas Mendez explicou-nos porque Angel Cristo, Joselito e Maradona som a mesma pessoa | Monólogos e música hard core neste fim de semana » |
No passado sábado, comemoramos o Dia das Letras com diversas actividades. A jornada começava no meio-dia na praça de Rosalia de Castro, em Sam Joám de Filgueira, com um acto convocado pola associaçom vicinal do bairro e no qual participamos junto a outras entidades culturais e vicinais de Ferrol.
Após a oferta floral ao pé da estátua que Rosalia tem na praça e a intervençom do presidente da entidade vicinal convocante, os membros da Fundaçom Artábria Silvia Casal e Leandro Lamas representárom o relato ?Na oficina de obxectos perdidos? da autoria de Sechu Sende e publicado no seu exitoso Made in Galiza.
@s companheir@s da Revolta de Trasancos, que tocárom várias peças tradicionais, encerrárom o acto interpretando o Hino Nacional.
A Fundaçom Artábria aproveitou o acto para reivindicar novamente a dedicatória do Dia das Letras 2009 para Carvalho Calero despregando umha grande faixa de papel.
Após o acto, organizamos um jantar de confraternizaçom no nosso Centro Social, com a participaçom de várias dúzias de sóci@s.
Já na sobremesa e após degustarmos um bom Licor café, chegou mais umha foliada ártabra. A surpresa da jornada foi o espectáculo de Fiz, um pequeno grande mágico, que tem um prometedor futuro no mundo do ilusionismo.
A jornada concluía com o concerto de Bossa Nova de Ramom Bermejo e Pablo Seoane Duo, num lotado Centro Social.