Alguns meios de comunicaçom anunciam na ediçom de ontem que, finalmente, o actual governo municipal ferrolano parece disposto a adquirir como propriedade pública a casa natal de Ricardo Carvalho Calero, velha reivindicaçom da Fundaçom Artábria e de outros colectivos e sectores da nossa cidade.

Há que lembrar o calamitoso estado em que se encontra o prédio, sito na rua Sam Francisco, no bairro de Ferrol Velho, que já sofreu um derrubamento de elementos da fachada e do teito, e ameaça com ruir completamente. Daí a urgência de que se produza a aquisiçom do edifício, que segundo a Cámara poderá custar 240.000 euros, e que deverá ser submetido a um restauro importante devido ao abandono das últimas duas décadas.

Esperamos, portanto, que esse restauro comece o antes possível e se abra um debate sobre a funçom social que o prédio deverá ter, ao serviço da vizinhança de Ferrol Velho e do resto do povo ferrolano.