Para isso servírom as Jornadas 'Carvalho Calero no século XX galego', que findárom ontem mesmo, após três tardes e umha manhá de análise e divulgaçom, por parte de especialistas na matéria, das diferentes parcelas do rico pensamento do autor e intelectual ferrolano.

Continua:

A nossa intençom foi avivar a chama da memória do nosso povo, lembrarmos colectivamente que a nossa cultura nacional tem figuras gigantescas que entregárom o melhor das suas vidas ao cultivo e crescimento da nossa cultura, à dignificaçom da nossa língua.

Dentre essas figuras, Carvalho é sobranceira no século XX. Assim pudemos comprová-lo escuitando as análises sobre as suas investigaçons literárias (com Xosé María do Barro), o seu trabalho como filólogo (com José Martinho Montero Santalha), sobre as suas obras socilingüísticas (com Maurício Castro), e sobre os diferentes géneros que trabalhou como criador de literatura (com Carmen Blanco na palestra sobre poesia e Araceli Herrero Figueroa na de teatro).

Queremos agradecer publicamente a colaboraçom de todas elas, e também do historiador Bernardo Máiz, que enquadrou a vida de Carvalho na história do século XX galego.

Anunciamos também a próxima publicaçom impressa das comunicaçons apresentadas a estas Jornadas e que nos próximos dias esperamos poder disponibilizar os áudios de todas as intervençons.

Recomendamos também visitar a galeria de imagens das Jornadas 'Carvalho Calero no século XX galego', que podem ser visitadas na seguinte ligaçom:

http://www.flickr.com/photos/27244117@N08/sets/72157605339522611/