A continuaçom disponibilizamos o resto de informaçom do festival: Foro de Debate, Exposiçons, teatro, campeonato de matraquilhos...
Também se nom sabes chegar ao Moinho de Pedroso podes consultar cá (ou comprar um GPS).

Continua:

FORO DE DEBATE

Sob a legenda "Na defesa do Território" celebrará-se o foro de debate de este ano que será moderado polo membro da Artábria Maurício Castro e em que participarám: Fins Ereixas (Secretário Executivo de ADEGA), Xosé Maria Vilaverde (Coordenador Geral de VERDEGAIA), Orlando Álvarez (Porta-Voz de SOS Courel), Manuel A. Rodríguez Carballeira (Coordenador do Comité Cidadao de Emergência para a Ria de Ferrol. Começará às 20h.

EXPOSIÇOM

O sábado 19 às 12hs abrirá-se a exposiçom de este ano, que levará por título a mesma legenda que o Festival. Além de informaçom dos diferentes colectivos que venhem mobilizando-se em todo o País na defesa do território haverá projecçom de videos.

Os da Ria

O grupo cómico actuará sexta-feira 18 às 21.15h. A continuaçom reproduzimos o seu texto de apresentaçom.

“Arturito Massó e Fabián vidal levan moitos áns, todala unha vida endecorrendo as vilas e cidades de a Galicia interior e de o mundo, levando aos alens toda a fermousura e a belidencia de as palabras e de as músicas de a nosa benquerida Galicia. "Sen duda leo a Neruda", "Caramba que guapa estas, Galicia", "Infanta Elena", "Cando Fas Pop non hai Stop" ou "Viva Zúrich e Viva Buenos Aires" son algúnhos de os seus grandes xites que interpelarán para os nóscolos en esta actuación que forma parte da súa curta e selecta xira Veran 2008 que conta ademais con a música de Suso Alonso, Xabier Olite, e As Navallas Suízas.”

MATRAQUILHOS

O Campeonato de Matraquilhos começará às 17:00hh do Sábado 19 e este ano contamos com a colaboraçom de Siareir@s Galeg@s.

Haverá prémios para as quatro equipas finalistas. Mas quem queira participar deverá apontar-se no balcom do Toldo-Bar de Artábria antes das três da tarde desse mesmo dia e durante toda a tarde do dia anterior.

Todas as equipas que desejarem paticipar no campeonato, poderám fazê-lo previa inscriçom, polo preço de quatro euros.

As bases poderám-se recolher no balcom do Toldo-Bar ou com antelaçom nos locais de Artábria, ou mesmo consultá-las na página web.

FESTIVALZINHO

Festivalzinho. Sábado 19 de Julho desde as 18hs.
O FESTIVALZINHO, é um festival feito polas crianças, com música, teatro e jogos. Nesta ediçom contaremos com a obra de monicreques "A rua dos pantamas" da companhia galego-cubana "Titeres cascanueces" e com a mágia de Fiz.

SERVIÇOS

Estes som alguns dos serviços que atoparás no festival:

Artesanato Popular com exposiçom e venda.

Bancas de material de organizaçons políticas, sociais, populares e alternativas.

Gastronomia popular: Toldo de Venda.

Campismo na Area recreativa Muinho de Pedroso. Consultar disponibilidade no 981 44 50 47

Estacionamento de graça para os carros.

Disponhemos também de carpa para que a chuva nom impida a festa.

COMO CHEGAR?

O Festival é, como em anos anteriores nos campeiros do redor do muínho de Chao, zona recreativa da paróquia de Pedroso, no concelho de Narom. Esta é umha paragem fermosa, que está a poucos quilómetros de Ferrol. O Lugar é umha zona recreativa, bem acondicionada e com serviços, à beira do rio Júvia.

Poderedes vir de comboio; há umha estaçom de FEVE [Pedroso] que está a menos de 2 qm do lugar onde se celebra o Festival.

Para poder chegar pola estrada há vários itinerários: um deles é desde Ferrol, vindo pola estrada de Cedeira há que colher o desvio que vai da Carreira a Sam Sadurninho, logo mesmo em Pedroso, frente a estaçom de FEVE, há um desvio à direita que está bem sinalizado.

Também se pode chegar pola Autovia, colhendo a saída de Sedes e incorporándo-se à estrada que vai da Carreira a Sam Sadurninho.

Horário dos Comboios de FEVE:

www.feve.es/02/lineas/linea1013.htm

Telefone de FEVE 902 100 818