Queres conhecer um pouco mais os grupos que vamos ter no Festival da Terra e da Língua? Pois consulta as suas apresentaçons. Também já podes ouvir algum dos seus temas ou ver algum dos seus videos.

Continua:

Chámalle Xis!

É um grupo formado por guitarra, baixo , bateria com set de ruídos e cantante. Começam a ensaiar lá por Julho do ano 2007 e dam o seu 1º concerto no día das letras galegas de 2008. Embora se percebe um corte de rock clássico na maioria dos temas, a música de Chámalle Xis! nom é susceptível de clasificaçom, um estilo ecléctico que promete muita festa.

Ulträqäns

É grupo de filosofía meramente instrumental com quatro patas e rabo no que as melodias celta-balcánicas se mesturam com calimocho e rock and roll do pais dando lugar a umha macedonia musical que se centrifuga a 1000 revoluçons para acadar a textura desexada. Os seus temas som composiçons electro-folque-dance-tradicionais construídas com ladridos em semicorcheas e ouvidos de fusas e parafusas. Ulträqäns quere fazer umha música o mais directa, honesta e divertente possível. Sem mais. Para disfutar meneando o esquelete em qualquer furancho, galpom ou discotasca..

Cuchufellos.

Somos gente nova e brava, com ganas de passá-lo bem, que apresentamos um repertorio formado na sua meirande parte por composiçons próprias, onde se fusionam estilos coma o Ska, a Pachanga, Ritmos Balcánicos, troula........ Axeitados para animar callquer tipo de festa rachada acompanhada por um bom licor café.

+ info: www.cuchufellos.com
[youtube]UHqFBt6NjKI[/youtube]

Machina

Apresenta umha proposta que se pode considerar alternativa nom só na música em Galego senom também, na música do nosso país. Usando sempre o Galego como fonte de expressom, Machina achéga-nos o seu peculiar estilo difícil de qualificar mas que poderiamos etiquetar como emo-core.

+ info: www.myspace.com/machinagz

[youtube]SxzQA-XzSPU[/youtube]

AMAIUR

Sem duvida algumha, um dos grupos de romaria mais impactantes em directo de Euskal Herria. Um quinteto jovem e desenfadado, umhas bases contundentes e umha trikitixa actual som as suas melhores bazas para fazer-nos bailar sem parar.

+ info: www.myspace.com/amaiur2008

[youtube]zjQf3q0-0YA[/youtube]

Dandy Fever

Os efectos do Dandy Fever nom se fam esperar.. O pouco de comezar os seus concertos o público começa a sentir extranhas sensaçons: num primeiro momento o individuo perde o control das suas pernas, logo dos braços, da cabeça… até que por fim todo o corpo se move como por vontade própria, seguendo os sincopados ritmos da banda.  Entom a temperatura do corpo começa a subir e a subir e a secçom de metais fai que Galiza pareça mais bem umha apartada ilha das caraibas. Quando já tod@s se atopan baixo o influxo dos Dandy Fever, a melodiosa voz de Mariana fai que tod@s fiquem no sítio, coma hipnotizad@s. Começa o concerto…

+ info: myspace

[youtube]xsCxr7o8L3c[/youtube]