Car@s Sóci@s:

Dando cumprimento aos nossos Estatutos, a Junta Directiva da Fundaçom Artábria convoca umha Assembleia Geral para o vindouro dia 26 de OUTUBRO de 2008, às 19:00hs, no local da Fundaçom Artábria, no Centro Social localizado na Travessa de Batalhons nº 7 rés-do-chao Esteiro-Ferrol (Galiza).

Como aconteceu na Assembleia anterior, para participar na assembleia é obrigatório ter as quotas em dia, bem como umha antigüidade mínima de três meses até o dia da mesma. No caso de nom teres as quotas em dia, podes participar com voz, mas sem voto.
A ordem do dia terá os seguintes pontos:

1. Informe económico e de gestom
2. Café-bar
3. ELEIÇOM DA NOVA JUNTA DIRECTIVA DA FUNDAÇOM ARTÁBRIA
4. Vários
Quanto à apresentaçom de candidaturas, o Regulamento estabelece que:

- As candidaturas deverám apresentar-se antes das 00:00hs do dia 25 de Outubro de 2008, sendo, portanto, o prazo limite as doze da meia-noite do dia 24 de Outubro de 2008 (sexta-feira).
- O número de membros da candidatura será como mínimo de 3 pessoas, podendo-se incluir até três suplentes.
- As candidaturas terám que manter umha proporcionalidade de género de 60%-40%. [4-3]
- As pessoas da candidatura terám que ter as quotas em dia, no dia da apresentaçom das mesmas.
- Em caso de existir mais de umha candidatura, o reparto de membros da Junta Directiva será realizado em proporçom ao número de votos válidos de cada candidatura, excluindo neste caso os votos em branco. Se só houvesse umha candidatura, será eleita sempre que conte com a maioria de votos favoráveis da assembleia.

Dada a quantidade de temas que serám tratados, a assembleia começará com pontualidade numha convocatória única.
Sem mais, recebe umha saudaçom e lembra que é fundamental a participaçom de todos e todas na assembleia.

Atenciosamente

A Junta Directiva da
Fundaçom Artábria
Ferrol, 23 de Setembro de 2008