Apesar da chuva, um grupo de companheiros e companheiras assistírom hoje mesmo, na praça do Concelho, à chegada do autocarro do colectivo antigalego 'Galicia Bilingüe', fazendo-lhes chegar, como acontece em cada cidade e vila galega que visitam, que os inimigos do nosso idioma nom som bem-vindos.

Leia mais »

Para recebermos Novembro, vamos enfeitar o Centro Social com cabaças medonhas e, nesta mesma sexta-feira, assaremos umhas castinhinhas que poderás degustar de graça. Será a partir das 20h30 e, a seguir, contaremos com um espectáculo humorístico, com o clown Pedro Brandariz, às 22 horas, como parte dos actos polo X Aniversário da Fundaçom Artábria.

Queres saber mais sobre Pedro Brandariz? clica abaixo e lê mais:

Leia mais »

Recuperamos todo um clássico da banda desenhada galega. Umha amena história da nossa língua através dos séculos, com tom humorístico e formativo, além de umha perspectiva inequivocamente reintegracionista. Um dos primeiros grandes projectos do movimento reintegracionista de base que se desenvolveu na Galiza dos anos 80 e 90, a sua primeira ediçom remonta a Abril de 1992 e nela já participou a Artábria, na etapa anterior à sua conversom em Fundaçom de Interesse Galego.

Clica em cima da publicaçom para a veres em tamanho maior.

No sábado 25 de Outubro, o escritor João Aveledo apresentará o seu trabalho “Arceia” editado pola Fenda Editora.

Após a apresentaçom do livro, contaremos com a actuaçom do actor galego Quico Cadaval, que nos trará os seus contos à Fundaçom Artábria. Será a partir das 22h e o preço do bilhete é de 3 euros para pessoas nom associadas e 2 euros para pessoas associadas.

Reproduzimos crónica redigida polo presidente da AGAL, Alexandre Banhos, sobre a palestra celebrada o passado 15 de Outubro no nosso Local Social sobre a situaçom da língua. O artigo está tirado do Portal Galego da Língua.

Leia mais »

Na sexta-feira, 17 de Outubro, também às 22h, chega desde Fene umha das mais conhecidas contacontos do nosso país: Paula Carvalheira dando continuidade ao ciclo de "Contadas na fundaçom" que já contou com a presença de Cándido Pazó o passado dia 10.
O preço do bilhete será como outras vezes de 3 euros para pessoas nom associadas e 2 euros para sóci@s.

Para a próxima quarta-feira, 15 de Outubro, dando continuidade as actividades agendadas na celebraçom do nosso X aniversário, celebraremos um debate sob a legenda "A situaçom da nossa língua: presente e futuro" com a participaçom confirmada de Fran Rei, membro da Mesa pola Normalizaçom Lingüística, Maúricio Castro em representaçom da Fundaçom Artábria e José Manuel Outeiro Garcia em representaçom da AGAL. Para este interessante debate a nossa Fundaçom também encaminhou convite à RAG embora ainda nom confirmárom a sua participaçom.
O acto começará às 19.30 no nosso Local Social.

A organizaçom juvenil independentista BRIGA organiza no nosso Centro Social neste sábado, 11 de Outubro, um concerto que fechará as diferentes actividades organizadas no Dia da Galiza Combatente em Trasancos.

Leia mais »

Na sexta-feira, 10 de Outubro, às 22h, contaremos com as contadas do actor viguês Cándido Pazó. O preço do bilhete é de 3 euros para pessoas nom associadas e 2 euros para as associadas.