Já chegou, a mais esperada, hoje a partir da 1 da manhá teremos a festa de viragem de ano, e com entrada gratuita. Se no passado ano tivemos umha festa de estética “hortera”, nesta ocasiom mudamos de extremo e a festa estará centrada nos anos 30: ganguesters, tiroteios, clubes clandestinos, fatos e chapéus serám os elementos nesta original festa viragem de ano.

Nom a podes perder, esperamos-te para começar o ano EM GALEGO!

Leia mais »

Tal como anunciamos ontem no nosso blogue, a Fundaçom Artábria fijo chegar a numerosas entidades da nossa comarca um apelo para umha reuniom urgente, em regime de autoconvocatória, e assim reagirmos conjuntamente contra o aniquilamento impune de que som vítimas os palestinianos e as palestinianas que habitam a Faixa de Gaza.

A resposta foi positiva e um total de 13 entidades participárom ontem, passadas as 21 horas, na reuniom em que se decidiu convocar umha concentraçom para o dia 2 de Janeiro, esta próxima sexta-feira, sob a legenda "Solidariedade com a Palestina, paremos o terrorismo sionista".

Leia mais »

Finalmente, o Apalpador arranjou um tempinho para dedicar às crianças do bairro de Esteiro, em Ferrol. Acompanhado por um grupo de ajudantes e da música das gaitas, repartiu castanhas e conversou com meninhos e meninhas, assegurando-se de que estám bem mantidas e pedindo-lhes que comam muito e de maneira variada.

Algumhas crianças ainda nom conheciam o Apalpador. A elas, explicou-lhes que mora nas montanhas orientais da Galiza e que cada ano vai vir visitá-las.

Podedes ver algumhas fotos da visita clicando abaixo.

Leia mais »

A Fundaçom Artábria convoca em regime de auto-convocatória as diferentes entidades, colectivos e organizaçons políticas e sindicais da Comarca a umha reuniom de urgência hoje, terça-feira 30 de Dezembro, às 21h no nosso Centro Social (Travessa de Batalhons, nº7 rés-do-chao, Esteiro) para preparar umha concentraçom no 2 de Janeiro em solidariedade com o Povo Palestiniano.

Graças à colaboraçom do Antom Cortiças, que dirigiu a primeira sessom do curso de origami, já aprendemos a fazer algumhas figuras em papel. Foi na tarde de hoje e crianças e adultas ainda botamos um bom tempo a aprender e praticar. Para as e os que nom pudestes vir, mostramos-vos umha selecçom de imagens desta primeira sessom, que vai ter continuidade na próxima sexta-feira. Ainda que, como podedes ver, a turma está mui compactada e centrada no trabalho, ainda admitimos incorporaçons para a segunda sessom, na sexta às 19 horas.

Leia mais »

Na manhá de hoje, a emissora Rádio Fusión entrevistou o companheiro Carlos Louro, membro da Junta Directiva da Fundaçom Artábria, para conversar sobre o trabalho de recuperaçom da figura lendária do Apalpador em diferentes pontos da Galiza, com destaque para as iniciativas previstas pola Artábria, nomeadamente a visita do Apalpador ao bairro de Esteiro no dia 30 de Dezembro.

A entrevista dura 8 minutos e já está disponível. É só carregares no play e já podes escuitá-la.

Estas som umhas boas datas para trazermos de volta a obra infantil publicada há anos em pdf pola Fundaçom Artábria, da autoria de dous artistas da nossa comarca: Pepablo Patinho (texto) e Leandro Lamas (ilustraçons). De mensagem ecologista dirigida a crianças e público adulto, agora podes lê-lo gratuitamente em formato de fácil leitura.

Clica sobre a imagem para a veres aumentada.

No próximo dia 30 de Dezembro, a partir das 19h00, o Apalpador sairá polas ruas do bairro de Esteiro para apalpar as barrigas d@s nen@s repartindo presentes e a música das gaitas como acompanhamento. Durante esta semana já foi visto em diferentes Comarcas da Galiza. Disponibilizamos um vídeo do jornal galego "A nosa Terra" onde é entrevistado este mítico personagem galego coincidindo com a sua passagem por Compostela. Da Artábria queremos parabenizar a Gentalha do Pichel polo sucesso que está a ter a iniciativa de socializar esta figura do Natal galego.

Leia mais »