« Venezuela hoje: conferência de Gonzalo Gómez, cofundador do portal bolivariano Aporrea, no nosso centro socialSucesso da festa de viragem de ano »

Boa resposta à convocatória solidária com o povo palestiniano em Ferrol

03-01-2009

  16:56:38, por artabria   , 514 palavras  
Categorias: Movimentos sociais

Boa resposta à convocatória solidária com o povo palestiniano em Ferrol

A concentraçom em solidariedade com a Palestina e contra o terrorismo sionista atingiu umha significativa participaçom, superior às 200 pessoas, apesar da chuva e das datas em que foi convocada. Além de ser lido o escrito assinado por todos os colectivos convocantes, sublinhou-se a mais que provável continuidade dos ataques contra a populaçom civil na Faixa de Gaza, daí que se considere necessário dar também continuidade às mobilizaçons para exigir que a pressom internacional obriga a deter o aniquilamento de inocentes na Palestina.

Clica em 'leia mais' para aceder ao manifesto unitário difundido polas entidades convocantes, incluída a Fundaçom Artábria.

Manifesto difundido polas entidades convocantes:

Diante da criminosa agressom que o Governo israelita está a perpetrar contra a indefesa populaçom palestiniana através do seu exército, um dos mais poderosos do planeta, queremos condenar a violência do terrorismo sionista que leva causados por volta dos trescentos mortos e quase um milhar de feridos e feridas na Faixa de Gaza, nos ataques dos últimos dias e que ameaça com desencadear umha invasom terrestre sobre ela.

Queremos expressar a nossa mais profunda solidarieade com o povo palestiniano, que continua a sofrer nestes dias, como há já mais de quarenta anos, a crueldade de umha ocupaçom, que se agrava com o passar dos dias e dos anos e que apresenta uns dados pavorosos (65% de desemprego em Gaza, a desnutriçom em mais de 60% dos nenos e nenas, o colapso da quase totalidade das fábricas instaladas no território... em definitivo, umha situaçom em que 80% da populaçom malvive abaixo do limiar da pobreza).

Queremos fazer constar o nosso apoio ao milhom e meio de pessoas que habitam em condiçons subumanas na Faixa de Gaza e o conjunto do povo palestiniano, que sustenta na terra da Palestina com a sua vida e trabalho a arela de umha vida em paz e liberdade com um Estado próprio e livre.

Som a solidariedade e o internacionalismo as causas que nos botam à rua para exigirmos dos poderes públicos da Junta da Galiza e do Governo do Estado um pronunciamento nítido e acompanhado de factos que coadjuvem para o cessamento do terrorismo sionista e em prol dos direitos do povo palestiniano. Demandamos, pois, que se detenham os bombardeamentos sobre Gaza e que se levante o bloqueio da Faixa. Consoante isto, reclamamos:

· O chamado a consultas do embaixador espanhol em Israel.
· Que a Junta da Galiza faga um pronunciamento institucional de condena das agressons e de solidariedade com o povo palestiniano.
· Que o Governo do Estado suspenda o acordo de associaçom com Israel em vigor, acolhendo-se ao artigo segundo do referido acordo, que prevê esta possibilidade perante a vulneraçom de direitos humanos.
· Que a Junta da Galiza e o Governo do Estado demandem da onU o cumprimento das resoluçons (194 e 242) emanadas da sua Assembleia Geral no senso de conseguir a devoluçom dos territórios ocupados e a criaçom de um Estado palestiniano livre e viável.

2 comentários

Comentário de: José André Lôpez Gonçâlez [Visitante]  
José André Lôpez Gonçâlez

Concordo, CONCORDO, C O N C O R D O!!!

O povo mártir da Palestina vencerá. Que ninguém tenha dúvida.

Muito bom trabalho, camaradas.

Hoje esteve pola manhã na manifestação em Madri. Mais de 2000 pessoas gritando: Sois uns assassinos! Governo espanhol, culpável! Genocidas! Moratinos assassino! Viva a luita do povo palestino! e assim por diante.

Pena não lhes esmagam os miolos a estes nazi-sionistas.

Avante, camaradas! A luita tem que prosseguer!

03-01-2009 @ 18:04
Comentário de: Ivam da Ponte [Visitante]
Ivam da Ponte

O estado sionista de Israel, como ja é costume, dende a súa constituçom, ven practicando uma continua política de asasinatos comtra a poboaçom civil palestina. Occidente vende-nos a nova como uma guerra aberta entre xudeos e palestinos, mais as guerras só as fan os exércitos de um e outro bando, e que eu sepa, o pobo palestino nom o tem. Iso sí, comta co valor de miles de homes e mulheres que co as armas das pedras luitam polos seus direitos historicos.

SOLIDARIEDADE COM PALESTINA!
PALESTINA VENCERÁ!

03-01-2009 @ 23:16
Horário de Abertura
- Segundas a sextas 10.00h-13.30h // 17.30h-feche
- Sextas e Sábados 18.00h-feche

A Associaçom Reintegracionista Artábria, nascida em 1992 em Narom, transformou-se em abril de 1998 em Fundaçom, inaugurando em setembro desse mesmo ano o seu Centro Social.

A Fundaçom Artábria está declarada de Interesse Galego e classificada de interesse cultural, com o número de inscriçom 54 e CIF:G15645518.


Para saberes mais, lê a definiçom da Artábria na wikipédia + info

Busca

Ferramentas de administraçom

  Feeds XML

powered by b2evolution free blog software