No mesmo dia em que saíamos, novamente, à rua para denunciar a política genocida do Estado de Israel e em solidariedade com a Palestina, o nosso Centro Social recebeu um revolucionário e umha revolucionária venezuelana, que numha palestra magistralmente conduzida, figérom sentir às pessoas assistentes essa ternura dos povos que, com o Che, denominamos solidariedade.

Mais informaçom e fotos do acto, apresentado pola companheira Berta, clicando em 'Leia mais'

Gonzalo Gómez, co-fundador do portal informativo venezuelano Aporrea, de origem galega, falou em galego sobre a história da última década da Venezuela, do processo revolucionário em curso e do seu carácter profundamente revolucionário. Desmontou um por um todos os preconceitos, todas as falsidades construídas polos media do imperialismo em relaçom à Revoluçom Bolivariana, e defendou o protagonismo popular como melhor garantia para novos avanços no caminho do socialismo no grande país irmao latino-americano.

A seguir, falou Aramita Padrino, advogada das vítimas do golpe de estado oligárquico de 2002 na Venezuela, que apresentou argumentos incontestáveis sobre o carácter criminoso da tentativa imperialista de derrocar o presidente Hugo Chávez em sucessivas tentativas. Com apoio audivisual, explicou o acontecido em Abril de aquele ano, em que numerosos civis fôrom vítimas do fogo da polícia pró-imperialista sem que os responsáveis tenham sido ainda devidamente punidos, apesar da derrota final dos reaccionários golpistas.

Por último, Gonzalo Gómez surpreendeu as pessoas presentes interpretando, com ajuda de umha guitarra, um emocionante hino em evocaçom das vítimas do golpismo anti-chavista e reivindicando justiça para o povo.

A de ontem foi, sem dúvida, umha jornada emocionante que serviu para dar voz aos e às que no mundo luitam por derrubar o imperialismo e dar cabo das injustiças.

Só nos resta agradecer à Associaçom Galega de Amizade com a Revoluçom Bolivariana -AGARB-, a Gonzalo Gómez e a Aramita padrino terem escolhido o nosso Centro Social para esta enriquecedora palestra.

Viva a Venezuela Bolivariana!