« Já chega um novo Treme a Terra! (e vam 14!!!) | O companheiro Gonzalo e a companheira Aramita trouxérom informaçom em primeira mao sobre a realidade venezuelana » |
Umha concentraçom semelhante à da semana passada serviu para manter a iniciativa de denúncia na rua, nom apenas contra os assassinos sionistas, mas contra as instituiçons da chamada comunidade internacional e do próprio Estado espanhol, que com a sua passividade favorecem que continuem a morrer centenas de pessoas sob o fogo indiscriminado israelita. Também na vizinha comarca do Eume, na vila de Pontedeume, se desenvolveu umha concentraçom em solidariedade com a Palestina.
A Fundaçom Artábria voltou a participar na convocatória em solidariedade com a Palestina, que decorreu enquanto os tanques do Estado de Israel destroem a Faixa de Gaza e assassinam mais e mais palestinianos e palestinianas.
Entre as centenas de pessoas concentradas, houvo integrantes da comunidade de trabalhadores e trabalhadoras imigrantes na nossa comarca, de diferentes nacionalidades. Fôrom coreadas palavras de ordem em apoio à causa palestiniana e exigiu-se umha contundente resposta das instituiçons autonómica galega e estatal espanhola. No fim da concentraçom, fôrom queimadas várias bandeiras do Estado terrorista de Israel.
Reproduzimos algumhas imagens desta segunda concentraçom, que deverá ter continuidade em novas iniciativas dada a continuidade do massacre sofrido pola populaçom civil da Faixa de Gaza.
Muito obrigado, camaradas. Vocês são dos imprescindíveis.