Como cada 25 de Março, a Fundaçom Artábria reserva uns minutos para lembrar a figura intelectual de Carvalho Calero, representante do melhor que tem dado a cidade de Ferrol, polo seu compromisso com a consciência lingüística, com a cultura e com a recuperaçom da história literária da Galiza.

Continua:

Um grupo de sócias e sócios, além de alguns amigos e amigas da nossa entidade, juntamo-nos junto à casa da rua Sam Francisco, comprovando como, de ano para ano, o ruinoso estado do prédio ameaça mais seriamente com ruir de vez.

As promessas de restauro lançadas no seu dia polo governo municipal ferrolano tenhem ficado, por enquanto, só nisso, nom sabemos se com a esperança de que caia e deixe assim de ser umha matéria pendente que alguns e algumhas lhe lembramos cada 25 de Março.

Depois de despregarmos, como cada ano, umha grande faixa que ocupa umha parte da fachada do prédio em ruínas, renovando a nossa reivindicaçom de um Dia das Letras para Carvalho, umhas palavras de lembrança para o finado professor ferrolano, galego e universal.

A seguir, as pessoas presentes cantamos o nosso Hino Nacional, ao som da gaita, dando por concluído o humilde, mas sincero, acto de homenagem.

Uns petiscos, uns copos e a agradável conversa pugérom termo à jornada no nosso centro social.