Sábado 2 Maio a partir das 12:00 na praça do Hino galego, em Esteiro, festejaremos a despedida do Inverno e a chegada da Primavera com a apariçom das primeiras flores e frutos elaborando os Maios. Cobriremos a nossa estrutura de forma cónica, seguindo a tradiçom da na nossa comarca, com fiuncho, laranjas, flores... até lograr um Maio que destaque no centro da praça.

Podes trazer as tuas flores, verde e frutas para ajudar a enfeitá-lo.

ESPERAMOS-TE!!

O Grupo de Base em Trasancos da organizaçom juvenil BRIGA organiza para a noite do próximo 1º de Maio, Dia do Internacionalismo Proletário, um concerto no nosso Centro Social com o grupo de Ordes Kastöma e o "Sound System" do Colectivo Reacçom.
Começará às 22.00h e terá um preço de 3 euros.

Quarta-feira 29 de Abril, às 20:00, terá lugar um obradoiro de atira-balas. A partir de diversos materiais reutilizados como madeira, borrachas ou badana procedente de botas velhas, fabricaremos os nossos atira-balas que poderemos usar nas "Olimpíadas de Esteiro", previstas para os dias 13 e 14 de Junho.

Tal como anunciamos na semana passada, no sábado 25 de Abril tocava comemorarmos os 35 anos de Revoluçom dos Cravos. Foi um jantar de mais de 30 companheiros e companheiras que comemos um magnífico arroz de marisco cozinhado para a ocasiom polo companheiro Pepe numha grande pota colectiva, como a conversa e as cantadas que se seguírom, com destaque para o Grândola, vila morena.

Leia mais »

A Junta Directiva convoca a tod@s @s sóci@s à próxima Assembleia Geral da Fundaçom Artábria marcada para o Domingo 24 de Maio às 19:00hs no nosso local (Travessa de Batalhons nº7 rês-de-chao, Esteiro - Ferrol). A Junta Directiva quer lembrar que a assembleia geral é o máximo orgao de decisom da nossa entidade polo que é muito importante a participaçom, tanto para a tomada de decisons como para expressar a opiniom.

Lembramos às pessoas associadas que para poder participar na Assembleia Geral é necessário ter em dia as quotas

A ordem do dia de esta convocatória e a que se segue:

1. Aprovaçom da acta anterior
2. Organizaçom
3. Situaçom Económica
4. Actividades
5. Festival da Terra e da Língua
6. Perguntas e sugestons

A companheira Rita expom durante o mês de Maio no nosso Local Social 6 lousas esmaltadas baseadas no conhecido album “Nós” de Castelao. As 6 peças estám à venda, a um preço de 30€ as lousas emolduradas e de 25€ as que nom tenhem moldura.

Também tem à venda pequenas cuncas desenhadas a 3€ cada.

A seguir, apresentamos-vos umha mostra de trabalhos da artista ferrolana.

Leia mais »

Esta Sexta 24 de Abril, @s companheir@s de L´Ambaixada, um colectivo de pessoas dos Països Catalans residentes na Galiza, que tratam de que conheçamos um bocado mais a realidade política e social dos PPCC, apresentaram o documentário “Del roig al blau” a partir das 20:00 no que mostra as grandes manifestaçons de l”Amnistia i l”Estatut, as primeiras eleiçons, o incipiente anticatalanismo, a eracçom da direita e extrema-direita contra o Plenari de Parlamentaris, el Consell Preautonìmic, ou a esquerda, nos finais do 70 no País Valencià.

O Sábado 25 de Abril, com motivo do aniversário da Revoluçom dos cravos, terá lugar um Jantar português com a seguinte ementa Arroz caldoso de polvo e marisco, sobremesa de Bola de maçá e chá dos Açores, vinho, água, refrigerantes e café.

O preço do jantar é de 12 € adultos e 6 € crianças. Pode-se fazer a inscriçom e adquirir os passes no local, ou entom reservando no telefone 981352986 em horário de abertura do café-bar ou no 666071905.

Leia mais »

Observando à medida que se achegava a data do torneio, o incremento de gente que passava polo local para se inscrever, chegando a ultrapassar as 25 pessoas, e os pedidos que por estarem fora de prazo nom pudérom ser formalizados, era claro que a afluência de participantes ia ser boa. E foi.

Leia mais »

Miguel Alonso, cantor ferrolano, com a sua guitarra e harmónica, acompanhado dos músicos Víctor Mendes (baixo e coros), e Javier Santana (guitarra solista), trouxo-nos ontem, sábado, umha colectánea de temas dos seus anteriores trabalhos, destacando temas do seu último cd editado, “Luz de guia”, e apresentando também cançons que farám parte do seu próximo trabalho discográfico, previsto para ser publicado nos próximos meses.

Leia mais »