Miguel Alonso, cantor ferrolano, com a sua guitarra e harmónica, acompanhado dos músicos Víctor Mendes (baixo e coros), e Javier Santana (guitarra solista), trouxo-nos ontem, sábado, umha colectánea de temas dos seus anteriores trabalhos, destacando temas do seu último cd editado, “Luz de guia”, e apresentando também cançons que farám parte do seu próximo trabalho discográfico, previsto para ser publicado nos próximos meses.

Continua:

Durante algo mais de umha hora, Miguel Alonso estivo sobre o cenário, mostrando a variedade de temática que inclui o seu repertório, musicando poemas de Álvaro Cunqueiro, incursionando na cançom de intervençom em temas como “Se o príncipe currasse numha ETT”, ou com temas mais intimistas como “Nos olhos teus”.

Para finalizar, cabe destacar que Miguel Alonso, junto a Javier Santana e Victor Mendes, mostrárom o seu apoio, como tenhem feito outros artistas que passárom polo nosso Centro Social, à campanha que a Fundaçom Artábria iniciou há um mês para lograr que se dedique o Dia das Letras 2010 ao escritor ferrolano Ricardo Carvalho Calero.

Eis algumhas imagens do recital: