Será no sábado 30 de Maio a partir das 19h. Inscreve-te ao balcom!

Através do nosso representante no organismo de participaçom cidadá em matéria de língua do concelho de Ferrol, Maurício Castro, a nossa entidade fijo chegar na passada quinta-feira a sua preocupaçom pola falta de resultados concretos depois de dous anos de funcionamento do mesmo, numha reuniom à qual nom assistírom representantes dos grupos municipais de IF e IU. A nossa sensaçom, e assim o transmitimos, é que o trabalho burocrático tem substituído as medidas efectivas que favoreçam o avanço social do galego num concelho cujos indicadores de uso som mais do que preocupantes.

Leia mais »

No passado sábado, 23 de Maio, polas 10 da manhá, um grupo de 10 pessoas partimos do centro social da Fundaçom Artábria rumo às Fragas do Eume, um roteiro guiado polo membro da Sociedade Galega de História Natural Manolo Cortiças.

Leia mais »

Com a chegada da Primavera voltam os roteiros pola Comarca. No próximo sábado, 23 de Maio, guiados polo membro da Sociedade Galega de História Natural, Manolo Cortiças, percorreremos as Fragas do Eume.
A dificuldade do roteiro é fácil, polo que nom terám problema em participar crianças.
Combinamos às 10h no Centro Social.

Se quigerdes participar, é só estardes atentos ou atentas a como amanhece o dia e, em funçom disso, escolhei um bom chapéu para o sol ou roupa para a água. De qualquer maneira, nom esqueçais trazer sandes, fruta e água, pois comeremos num descanso da caminhada, para continuarmos mais um bocadinho à tarde.

Nesta quarta-feira, 20 de Maio, a partir das 20h teremos mais umha jornada para elaborar os atira-balas que serám utilizados nas inminentes Olimpiadas de Esteiro. O obradoiro será impartido polo membro do COE (Comité Olímpico de Esteiro) Ernesto Lopes.
Além do talher, e se o tempo o permite, deslocaremo-nos até o campo do Ferrándiz, ao lado do nosso Local Social, para praticar outra das modalidades que estarám presentes neste importante evento desportivo: A Bilharda.

Leia mais »

Os ritmos skatalíticos de Kogito fechavam no passado sábado a jornada de celebraçom do Dia das Letras na Fundaçom Artábria.
Os de Vigo apresentavam por primeira vez em Ferrol o seu novo trabalho que leva por nome "Autómatas".

Leia mais »

Este 17 de Maio, Dia das Letras, foi especial. A grave situaçom que o nosso idioma atravessa obrigava a umha resposta colectiva, como povo, para afirmarmos a nossa disposiçom para umha longa luita contra os planos assimilistas dos que sempre quigérom acabar com o galego. E a resposta produziu-se: a de ontem foi umha das mobilizaçons com mais participaçom da história da Galiza. A gente da Fundaçom Artábria tinha que estar aí, e aí estivo, com a Plataforma Galego Sempre Mais, de que somos integrantes, junto a outros muitos centros sociais e entidades, desde o primeiro dia.

Leia mais »

Como cada ano, a Fundaçom Artábria concentrou-se, junto a outros colectivos, companheir@s e amig@s, na praça Rosalia de Castro, ao pé do monumento à grande escritora e patriota. Poesia, música, lembrança da importáncia da nossa autora e reivindicaçom lingüística figérom parte de um acto emotivo que concluiu, também como sempre, com o canto do nosso Hino Nacional e um apelo à participaçom, amanhá, na manifestaçom "contra a imposiçom do castelhano, convocada pola Plataforma Galego Sempre Mais em Compostela (às 12h15 na Alameda).

Leia mais »

- Quinta-feira 14 de Maio ás 20:00, projectaremos “Línguas cruzadas”, um documentário sobre a situaçom do galego entre a mocidade, mostrando em base a testimonios de jovens de diferentes localidades do país falando sobre as súas experiências pessoais com a língua.

- Sexta-feira 15 de Maio ás 20:00, acabaremos este pequeno ciclo de documentários arredor da língua com a projecçom de “Lusofonía, a (r)evolução”, documéntário que retrata a música no espaço lusófono, partindo de um movimento musical que emerge da cidade de Lisboa, mais estabelece ponte com Africa (Angola, Moçambique, Cabo verde,...) e o Brasil.

- Sábado 16 de Maio a partir das 12:00 horas, na praça de Rosalia de Castro no bairro de Sam Joám, participaremos como todos os anos no acto unitário no monumento a Rosalia, com motivo do Dia das Letras. Umha vez concluído o acto, poderemos desfrutar de uns peticos no Centro Social da Fundaçom Artábria.

À noite, a partir das 22:00, apresentando o seu novo cd “Autómatas”, contaremos com o ská viguês de Kogito.. O preço para esta actuaçom é de 3 euros para sóci@s e 4 euros para pessoas nom asociadas, podendo comprar-se o bilhete mais o cd a um preço de 8 euros.

- Domingo 17 de Maio, a partir das 12:15 na Alameda de Compostela, a Fundaçom Artábria fará parte do bloco “Galego sempre mais” (+info: www.galegosempremais.net )na manifestaçom nacional pola língua.

Sábado, 16 de Maio às 22.00
Bilhete: 4 euros nom sóci@s / 3 euros sóci@s
+ Info: http://www.myspace.com/kogito