Os ritmos skatalíticos de Kogito fechavam no passado sábado a jornada de celebraçom do Dia das Letras na Fundaçom Artábria.
Os de Vigo apresentavam por primeira vez em Ferrol o seu novo trabalho que leva por nome "Autómatas".

Passadas as 23h, 10 músicos lotavam o cenário da Fundaçom Artábria para começar com o tema "Apnea", para continuar com temas de anteriores demos até chegar ao momento cume da noite, quando comezárom a soar e ser identificad@s por parte dos e das ártabr@s lá presentes, os primeiros acordes do tema "Celtas", que sem dúvida foi a cançom mais coreada da noite.
Depois de algo mais de hora e meia de ska, despediam-se nom sem antes mostrar o seu agradecemeto a todas as pessoas que puiderom desfrutar do seu espectáculo.

Desde a Fundaçom Artábria também queremos agradecer a Kogito o seu comportamento e encoraja-los a continuar fazendo música galega e em galego.