No passado sábado, 23 de Maio, polas 10 da manhá, um grupo de 10 pessoas partimos do centro social da Fundaçom Artábria rumo às Fragas do Eume, um roteiro guiado polo membro da Sociedade Galega de História Natural Manolo Cortiças.

Durante o trajecto, que nos levou a manhá e parte da tarde, pudemos desfrutar a diversa flora e a extensom arbórea própria deste ecossistema de alta especifidade que é a floresta atlántica. Também, em parte polo bom conhecimento da zona de Manolo, o nosso guia, localizamos umha série de curripas, construçons em pedra nas quais antigamente se deixavam a secar os ouriços das castanhas até que chegarem a madurecer. Muitas destas contruçons fôrom usadas como refúgios polos ?máquis? durante os anos 30 e 40 do passado século. Também pudemos observar parte da diferente fauna que habita como a rá ibérica, o sapo comum ou até um assustado corço.

Depois de umha folga para jantar e repor forças, continuamos o percurso pola outra beira do rio. Durante toda a tarde acompanhou-nos umha chuva intensa, que nom diminuiu a beleza desta rica e única paisagem.

Por volta de às 19:00 depois de umha longa e intensa caminhada, regressamos em direcçom a Ferrol, cavilando já em qual poderá ser o destino do próximo roteiro.

Como sempre, mostramos em imagens esta actividade em plena natureza: