Na tarde de ontem, sexta-feira, contamos com a presença de representantes da Academia Galega da Língua Portuguesa para nos apresentar o contributo elaborado e remetido por essa entidade às academias brasileira e portuguesa para a incorporaçom do mesmo aos dicionários comuns de português.

Continua:

Martinho Montero Santalha (lingüista e especialista em Literatura Galega Medieval na Universidade de Vigo), Isabel Rei (música guitarrista) e Celso Álvarez-Cáccamo (lingüista especialista em Lingüística Geral na Universidade da Corunha) figérom umha exposiçom sobre os trabalhos que dérom lugar ao documento lexical que inclui vocábulos especificamente galegos para a sua incorporaçom ao vocabulário comum lusófono.

Também foi apresentada a própria entidade académica, com umha explicaçom das actividades realizadas até este momento, abrindo-se finalmente um debate sobre essas questons entre as pessoas assistentes à palestra.