Como anunciamos no seu dia, o reconhecido autor marxista brasileiro Valério Arcary estivo no nosso centro social aproveitando umha viagem à Galiza convidado polo partido Primeira Linha. Além de fazer umha lúcida exposiçom sobre os últimos 30 anos da história brasileira com umha perspectiva de esquerda, apoiou a causa reintegracionista e aderiu à campanha por um Dia das Letras para Carvalho Calero.

O companheiro Valério reconheceu o pouco conhecimento que tinha da realidade galega antes da sua visita de umha semana ao nosso país, e mostrou-se maravilhado por poder utilizar o português de maneira normal nas suas comunicaçons pessoais e formais na Galiza, aludindo à beleza da maneira como falamos o idioma comum galego-português por estas terras.

A sua palestra foi umha síntese magistral da evoluçom do Brasil nas últimas décadas, com destaque para a luita popular contra a ditadura, o papel do PT como alternativa e a sua posterior degeneraçom. O estado actual dos movimentos sociais e do sindicalismo no grande país latino-americano e as pespectivas para umha mudança social de tipo revolucionário completárom umha exposiçom de grande interesse para as pessoas presentes.

Agradecemos daqui ao companheiro Valério, que quando escrevemos esta pequena crónica está já de volta em São Paulo, a sua presença no nosso Centro Social e o muito que com ele aprendemos com ele sobre o seu país, no passado dia 4 de Junho.