Já temos disponíveis, ainda fresquinhas, as imagens da segunda jornada do Festival. Apesar da chuva que nos molhou durante toda a tarde e da influência que isso tivo na participaçom, realizárom-se as actividades previstas: Sessom Vermu com o duo Eva e Camilo, campeonato aberto de futebol 3, exposiçom, teatro, festivalzinho, debate sobre as alternativas à crise capitalista...

Velh@s e nov@s amig@s da Fundaçom Artábria encontramo-nos ao longo do dia grande do Festival, que já atingiu as nove ediçons graças ao esforço de todos e todas, sem perder um grama de auto-organizaçom e rebeldia.

Às 22 horas, a companheira Lídia Senra, grande luitadora e velha conhecida da Fundaçom Artábria, em cujo centro social já estivera anos atrás, protagonizou nesta ocasiom a leitura do pregom, reivindicando um outro modelo socioeconómico, sustentável e igualitário, baseado na soberania alimentar. Também dedicou palavras à imprescindível luita polo nosso idioma nacional, tam gravemente ameaçado polo actual governo autonómico do Partido Popular.

A seguir, começou a música, com o grupo bretom Les Moreaus e os galegos Trapalhada e Kogito. Nom é o mesmo que tê-lo vivido, mas aqui vos deixamos umha ampla mostra fotográfica da jornada.