Aproveitando o espaço cedido pola iniciativa soberanista 'Causa Galiza', a Fundaçom Artábria estreia na tarde do Dia da Pátria em Compostela umha exposiçom dedicada ao pensamento sociolingüístico de Ricardo Carvalho Calero. Será no parque de Belvis, dentro do programa de actos culturais e de lazer organizados como complemento da manifestaçom autodeterminista convocada na capital para as 13 horas.

Continua:

A exposiçom é um primeiro e modesto contributo da nossa entidade como preámbulo do que será o ano do centenário do nascimento de um galego universal: Ricardo Carvalho Calero. Dentre os aspectos que poderiam ser tocados, a exposiçom recolhe citaçons textuais retiradas da obra (socio)lingüística do autor ferrolano.

Convidamos as e os visitantes do nosso blogue a participar nos actos patrióticos do 25 de Julho e a visitar a exposiçom dedicada a um dos grandes do século XX galego.