Estreada no passado 25 de Julho, Dia da Pátria, a exposiçom foto-textual dedicada a Carvalho Calero e à sua produçom sociolingüística já está disponível aqui, numha ediçom de fácil leitura que inclui imagens e textos de temática lingüística. Esta exposiçom, que em breve estará também no centro social da Fundaçom Artábria, é mais umha iniciativa para divulgar a obra de Ricardo Carvalho Calero e reclamar um Dia das Letras para um grande ferrolano, galego e universal.
Se queres vê-lo em tamanho grande, só tés que clicar em cima da imagem.

Tal como tínhamos acordado durante os dias de intenso trabalho que figérom possível umha nova ediçom do nosso Festival da Terra e da Língua, as numerosas pessoas que participárom nas diferentes tarefas estavam convocadas a umha ceia para celebrar um novo ano de Festival... e já vem aí o que completará a primeira década!

Leia mais »

A seguir, oferecemos-vos a versom escrita pola própria Lídia Senra das palavras que dirigiu às pessoas assistentes ao Festival da Terra e da Língua deste ano, aproveitando para agradecer a sua presença e a colaboraçom dela e de todas e todos os que o figestes possível.

Leia mais »

Testemunhos críticos de diferentes vizinhos e vizinhas que já participárom no passeio de barco pola ria, que inclui ceia, música e a informaçom fornecida por umha guia turística, confirmam umha nova medida espanholizadora da área municipal de Promoçom Turística, que dirige Ramón Veloso.

Leia mais »

Sempre é boa ocasiom para viajarmos a Portugal. A Artábria, que já tem organizado outras viagens a diferentes pontos do país irmao, organiza agora mais umha, com destino no Seixal, perto de Lisboa, onde o Partido Comunista Português organiza todos os anos umha macrofesta com concertos, exposiçons, debates, livrarias, comida de todas as regions portuguesas, etc. Três dias e duas noites de festa e cultura junto de milhares de pessoas de diferentes sectores da esquerda portuguesa e mundial.

Achas interessante? entom lê os pormenores...

Leia mais »

Vem a celebrar com nós a festa da caipirinha. Teremos petiscos e música do brasil. Será a quinta-feira 20 de Agosto desde as 21h00.

Os próximos dias 25, 26 e 27 de Agosto celebraremos umha nova ediçom do campeonato de matraquilhos, a gram final será o dia 29. Já podes apontar-te no balcom do café-bar!

Na próxima sexta-feira 28 de Agosto às 21.30h celebramos umha ceia de confraternizaçom para todas aquelas pessoas que colaborarom no Festival da Terra e da Língua. O preço é de 5 euros e podes apontar-te no balcom do café-bar antes do 25 de este mês.