Dentro da programaçom prevista na comemoraçom dos 11 anos da Fundaçom Artábria, anteontem contamos com a apresentaçom do livro de artigos de temática sociolingüística 'Galiza vencerá!' e ontem, com a anunciada marcha reivindicativa por um Ferrol em galego, que retomou, com maior participaçom, as ruadas que anos atrás realizava a Artábria com motivo do Dia das Letras.

Na quinta-feira, durante a apresentaçom do livro editado pola Abrente Editora, o autor, Maurício Castro, dedicou alguns exemplares às pessoas assistentes, junto à exposiçom dos temas tratados nos 28 artigos incluídos no volume. A seguir, abriu-se um debate sobre a situaçom do nosso idioma e a necessidade de mobilizaçom popular na sua defesa.

Na sexta, foi o dia indicado para convocar umha manifestaçom em defesa do idioma e por um Ferrol em galego. A marcha partiu da praça do Hino Galego passadas as 20h30, percorrendo várias ruas do centro, fazendo umha galeguizaçom simbólica de umha placa na rua Real e detendo-se à frente da sede do Partido Popular, onde se coreou a palavra de ordem "A Junta do PP, galega nom é!". A inusitada presença policial demonstrou que as nossas "autoridades" tenhem medo da iniciativa colectiva quando nom é auspiciada nem controlada por nengumha força "de ordem".

A manifestaçom concluiu frente à sede municipal, onde se apelou directamente ao presidente da Cámara: "Irisarri, une-te!". O máximo representante municipal saiu pouco depois do edifício da praça do concelho... mas nom aderiu às nossas reivindicaçons.

A galeguizaçom do ensino, o rejeitamento ao governo do PP e a reclamaçom de um Ferrol em galego fôrom as principais palavras de ordem coreadas. Finalmente, a companheira Rebeca Bravo dirigiu umhas palavras às pessoas congregadas ao pé da escadaria principal da Cámara Municipal ferrolana.

A marcha reivindicativa concluiu com o canto colectivo do nosso Hino Nacional.