Após as quatro sessons do obradoiro de atira-balas que decorrêrom nas últimas semanas na Fundaçom Artábria, por fim chega o momento de demonstrar o aprendido no campeonato que terá lugar na sexta-feira dia 27 a partir das 20h30.

Esperamos-vos!

No próximo domingo, dia 29 de Novembro, combinamos às 10 horas às portas do nosso Centro Social, na Travessa de Batalhons, nº 7 (Bairro de Esteiro), para realizarmos um roteiro pola Serra do Forgoselo. Aproveitando o tempo de Outono, passaremos o dia a apanhar cogumelos. Podes inscrever-te para a actividade vindo polo Centro Social ou telefonando para o número 630 624 999.

Por iniciativa da Fundaçom Artábria, a Escola Oficial de Idiomas acolheu a presença de Valentim Rodrigues Fagim, docente de português e presidente da Associaçom Galega da Língua (AGAL). Um numeroso grupo de aprendentes de português nessa Escola assistiu à apresentaçom da obra 'Do Ñ para o NH', que contou com apoio audiovisual.

Leia mais »

Organizada pola Fundaçom Artábria, a Escola Oficial de Idiomas acolhe na sua sala de actos a apresentaçom do manual elaborado polo professor Valentim Rodrigues Fagim, especialista em português e actual presidente da Associaçom Galega da Língua (AGAL). Será nesta terça-feira dia 17 de Novembro às 19 horas e a introduçom do acto correrá a cargo do também professor na Escola de Idiomas de Ferrol Maurício Castro.

Leia mais »

Desde esta semana, o Centro Social da Fundaçom Artábria conta com umha nova opçom para o lazer desportivo: umha mesa de pingue-pongue está já disponível para sócias, sócios e visitantes. Em breve estarám disponíveis as normas de jogo, mas entretanto já podes ir praticando, tendo em conta que há dous requerimentos que com certeza estarám incluídos no regulamento de jogo: vai ser umha actividade gratuita e, como todas as propostas pola Fundaçom Artábria, terá que desenvolver-se no nosso idioma. Será ténis de mesa em galego.

Se ainda nom nos visitaste, esperamos contar com a tua participaçom nesta e nas restantes actividades ártabras.

Neste sábado, a partir das 8 da tarde, vamos assar umhas castanhas e uns chouriços para comemorar o magusto no nosso centro social. As castanhas assadas som de graça e os chouriços a 1 euro. Esperamos contar, como sempre, contigo para esta celebraçom tradicional da nossa cultura.

Nom faltes.