Organizada pola Fundaçom Artábria, a Escola Oficial de Idiomas acolhe na sua sala de actos a apresentaçom do manual elaborado polo professor Valentim Rodrigues Fagim, especialista em português e actual presidente da Associaçom Galega da Língua (AGAL). Será nesta terça-feira dia 17 de Novembro às 19 horas e a introduçom do acto correrá a cargo do também professor na Escola de Idiomas de Ferrol Maurício Castro.

Valentim Rodrigues Fagim foi professor na Escola de Idiomas de Ourense, além de activo dinamizador do movimento reintegracionista em iniciativas como o centro social ourensano A Esmorga ou a própria AGAL. Autor de diferentes trabalhos de temática sociolingüística, o seu mais recente livro tenta facilitar o acesso ao português padrom a partir da realidade lingüística galega, o que o torna inovador e muito recomendável para quem quiger melhorar o seu galego.