Por iniciativa da Fundaçom Artábria, a Escola Oficial de Idiomas acolheu a presença de Valentim Rodrigues Fagim, docente de português e presidente da Associaçom Galega da Língua (AGAL). Um numeroso grupo de aprendentes de português nessa Escola assistiu à apresentaçom da obra 'Do Ñ para o NH', que contou com apoio audiovisual.

Continua:

Após umha breve apresentaçom a cargo do também professor de Poruguês (na EOI de Ferrol) Maurício Castro, o autor explicou a estrutura e os objectivos da sua última obra, que está a fazer sucesso entre os sectores mais interessados por melhorar o galego com a única perspectiva de futuro: a reintegraçom no ámbito lingüístico e cultural que por história e conveniência lhe corresponde.

Rodrigues Fagim explicou as particularidades que para a Galiza tem o ensino do português, devido à ainda significativa presença social de umha variante do mesmo, como é o galego. Numerosos exemplos e argumentos reforçárom a tese principal, a de aproveitarmos o galego ao máximo, sem restriçons ortográficas nem mentais.