O Apalpador voltou a Ferrol, por segundo ano consecutivo, para repartir castanhas e presentes artesanais às crianças da nossa comarca. Depois de passar polo Centro Social da Fundaçom Artábria, agradecendo o labor de socializaçom da nossa própria cultura nacional e da figura do gigante carvoeiro, fijo umha visita ao local da Associaçom Vicinal de Esteiro, onde foi muito bem acolhido, igual que nas ruas de diferentes bairros da cidade. Um grupo de trasnos e a música tradicional galega acompanhárom com troula o passeio do Apalpador, que cumprimentou numerosas crianças ferrolanas.

Leia mais »

André Seoane, da Gentalha do Pichel, foi entrevistado pola TVG no programa Bos Dias, para divulgar a figura do Apalpador, que nos últimos anos está a ser socializada por essa entidade e polo conjunto de Centros Sociais reintegracionistas da Galiza. Junto ao autor de um conto dedicado à mesma figura mítica, o companheiro da Gentalha explicou a origem e os significado de um ser mitológico característico das Festas de Inverno galegas.

Aqui tendes a entrevista na sua totalidade:

Já fica pouco para a festa mais esperada, a festa de passagem de ano. Umha festa que ano após ano converte-se num referente nas festas alternativas de esta data em Ferrol e Comarca.
Finalmente a votaçom popular decidiu que a temática para celebrar o início do 2010 fosse os filmes. Já sabes desde Chaplin, até Torrente tenhem sítio no nosso Local Social.
Nom a podes perder, esperamos-te para começar o ano EM GALEGO!

O próximo dia 30 de Dezembro, o velho carvoeiro do Courel e a sua quadrilha de trasnos, voltará sair polas ruas de Ferrol para repartir castanhas e brinquedos. O Apalpador poderá ser visto novamente polas ruas de Ferrol, repartindo castanhas e brinquedos entre as crianças, acompanhado de música de gaitas.

Durante os próximos dias 22 e 23 de Dezembro esta previsto realizar no nosso local, dúas jornadas de confecçom dos trajes que levaram os trasnos que acompanharam o Apalpador o próximo dia 30 de Dezembro polas ruas do bairro de Esteiro.

Se estiver interessad@s na elaboraçom dos mesmos ou na tua participaçom como trasno passa-te a partir das 20h pola Fundaçom Artábria.

Desde há uns dias podes passar polo Local Social para votar a temática para a festa de viragem de ano, umha festa que ano após ano converte-se num referente nas festas alternativas de esta data em Ferrol.

Se há dous anos a temática escolhida era a festa foleira e o ano passado estava dedicada ao Chicago dos anos 30, este ano tés a oportunidade de escolher a temática por votaçom popular.
Há várias opçons a escolher entre elas: filmes, personagens históricas, futurista, grease, grupos musicais ou cromagnons.

Passa-te polo local social e vota!

Os Machina voltárom mais umha vez ao nosso local social e mais umha vez nom decepcionárom.
Os de Cerceda descarregárom toda a sua raiba na presentaçom do seu 'Post-Bravú', um disco que monstra às claras as intençons e actitudes deste quarteto; com umha música sem concesions a nengúm estilo em particular e umhas letras que vam desde a denúncia social aos sentimentos mais intimistas.

Leia mais »

No próximo sábado 5 de Dezembro, a partir das 22h30 no local da Fundaçom Artábria, contaremos com a actuaçom de Machina. O grupo de Cerceda estará para nos apresentar o seu primeiro trabalho longo, "pós-bravu", no qual deixam claras as suas intençons. Treze temas em que se misturam estilos como o rap, metal, hardcore... contando com as colaboraçons de Xabier Diaz de Berrogüetto ou Mou de Dios Ke Te Crew.

O preço de bilhete é de 3 euros para pessoas associadas e 4 para público em geral, podendo adquirir-se o cd junto ao bilhete por 10 €.

Leia mais »