As pessoas interessadas em inscrever-se nos cursos de língua, gaita, pandeireta e dança tenhem até o próximo sábado, 20 de Fevereiro, para fazer a matrícula. Para ter mais informaçom sobre os cursos podes escrever ao correio-e (correiodeartabria@gmail.com) ou perguntar no balcom do café-bar do Local Social. No dia 26 de Fevereiro, às 20h00, haverá umha juntança no local com @s professores para fixar as datas e horários.

A Fundaçom Artábria celebra o final do Entruido com jantar e depois umha grande festa que contará com um concurso de disfarces. Será o sábado 20 de Fevereiro.
Podes apontar-te ao jantar que começará às 14.30h deixando um comentário no blogue, no balcom do café-bar ou bem escrevendo para correiodeartabria@gmail.com. O preço será de 12 euros e a ementa cozido a fartar.
E depois festa de disfarces com prémios aos melhores trajes. Nom podes faltar!

Mais umha vez recuperamos para vós a leitura de um artigo, disponível na nossa hemeroteca, da autoria de Pim Patinho, integrante da Fundaçom Artábria desde os seus inícios, que já em 1998 escreveu um artigo dedicado ao significado do Entruido galego. Achamos esta umha boa oportunidade para relermos aquele artigo, que alguns e algumhas de vós, se calhar, nem conhecíades. Ei-lo:

Leia mais »

O próximo sábado, 13 de Fevereiro, actuarám na Fundaçom Artábria MONCHOS umha banda tributo ao mítico grupo punk-rock RAMONES. Podedes visitar o seu myspace para ouvir um adianto.
O concerto começará às 22.30h e terá um preço de 2 euros para sóci@s e 3 euros para nom sóci@s.