Pola primeira vez, a Fundaçom Artábria recebeu o Dia das Letras, no passado dia 14, com um concerto de música galega no centro da nossa cidade.

Antes disso, várias dúzias de pessoas associadas e amigas da Artábria e da nossa língua marchárom polas ruas centrais, entre a praça do Hino Galego e a do Cantom, numha ruada reivindicativa por um Ferrol e umha Galiza em galego.

Pouco depois, começava a actuaçom musical com umha proposta de irmandade musical galego-brasileira. A galega Ugia Pedreira e o brasileiro Fred Martins trouxérom música de alta qualidade, que foi recebido calorosamente polo público ferrolano.

Depois, foi a vez de Ataque Escampe, Arenga, Garcia MC e Trapalhada, numha festa que se prolongou pola noite até altas horas com dança e conversa. O melhor preámbulo para a jornada mobilizadora desta segunda-feira, dia 17 de Maio, em que a Artábria aderirá à manifestaçom nacional dentro do bloco reintegracionista identificável pola cor de laranja da sua faixa e as suas bandeiras.

A convocatória é para as 12 do meio-dia na Alameda compostelana.

Vemo-nos lá!