Três meses depois de que exercesse de pregoeiro do nosso Festival da Terra e da Língua, ontem visitou-nos novamente o reconhecido escritor Séchu Sende, cuja anterior obra 'Made In Galiza' (também apresentada no seu dia na Artábria) foi um verdadeiro impacto no mercado editorial galego. Nesta ocasiom, o escritor e docente apresentou-nos 'Animais', poemário no qual combina pequenos textos narrativos e poéticos com reproduçons em core de aguarelas realizadas polo próprio Séchu.

Na obra, encontramos reivindicaçom da natureza e do direito à existência da Galiza, da sua língua e da sua paisagem, com umha expressom natural, com mensagem e emoçom... autenticidade.

'Animais' é a primeira obra lançada ao mercado por Séchu Sende em galego reintegrado, cumprindo com um dever íntimo que o autor nom quijo adiar por mais tempo. Umha vez que Galáxia e Xerais se recusárom a publicar a obra tal e como o autor a escrevera e queria vê-la publicada, foi a editora Através que possibilitou contarmos com umha obra de grande beleza e qualidade, que recomendamos desde já e que esperamos poder disponibilizar no nosso centro social em breve.

Para além da sua mais recente obra, o autor falou-nos do Courel como paradigma da ameaça que paira sobre a Galiza como realidade nacional e natural. Também lhe perguntamos polo seu êxito no Curdistám, onde se levam vendios milhares de exemplares do seu Made in Galiza, e aonde viajará proximamente para conhecer o país e dar a conhecer ali o nosso país e a sua literatura.

A Fundaçom Artábria agradece publicamente a amizade de Séchu com o nosso projecto e a sua presença neste XII aniversário.