Como cada ano desde há 12, na Fundaçom Artábria preparamos nestes últimos dias de Dezembro todo o necessário para a festa de passagem de ano, que nesta ocasiom também incluíra proposta para assistir disfarçadas e disfarçados.

Leia mais »

Já chega! aí vem! Amanhá 30 de Dezembro o Apalpador visitará novamente Ferrol para repartir castanhas e presentes entre as crianças. A saída do gigante carvoeiro e as suas e os seus trasnos será às 17 horas da A.V de Esteiro e percorrerá, acompanhado da música das gaitas, várias ruas de Ferrol até chegar ao Bairro da Madalena.

ÚLTIMA HORA
A actuaçom que o jovem mago ferrolano Fiz ia dar hoje quarta-feira, 29 de Dezembro, fica adiado até nova data. Desculpade as molestias!

Dentro do programa Cultura Descentralizada, a criançada e @s acompanhantes adult@s rimos quanto quigemos com Ghazafelhos, que figérom umha leitura humorística dos contos populares galegos de tradiçom oral. Foi nesta quinta-feira, no Centro Social da Fundaçom Artábria.

Continuando com as actividades, que se enquadram no Programa Cultura Descentralizada 2010 em colaboraçom com a Concelheria de Cultura de Ferrol, hoje contaremos na Fundaçom Artábria com a obra dos Ghazafelhos "Contos para escagarrinhar-se".
A actuaçom esta programada para as 21.30h e terá um bilhete de 2 euros para sócios e 3 euros para nom associad@s.

Na manhá de ontem, 21 de Dezembro, o Apalpador voltou a Ferrol para visitar o CEIP Issac Peral.

O Apalpador foi muito bem acolhido polo professorado do centro e, sobretodo, polos alunos e alunas. Um grupo de trasnos e a música tradicional do nosso país acompanhárom o Apalpador nesta visita, cumprimentando as numerosas crianças que conformam os ciclos de Infantil e Primário do centro. O presente foi, nesta ocasiom, nozes para todos e todas.

Recordamos que o Apalpador estará novamente nas ruas de Ferrol no próximo dia 29. Da Fundaçom Artábria queremos agradecer a colaboraçom do CEIP Isaac Peral e o seu trabalho para a recuperaçom desta figura mítica do Natal galego. Nom é, de resto, o único centro de ensino que na nossa comarca está a introduzir o Apalpador como parte das atividades formativas destas Festas de Inverno.

Deixamos dous vídeos da visita e umha galeria gráfica da mesma. Desfrutai-no!

Leia mais »

Concerto dos IXIOM o passado sábado

Concerto de KaveGZ na sexta-feira, 17 de Dezembro

Nesta fim de semana damos continuidade às actividades do Programa 'Descentralizando a Cultura', em colaboraçom com a Cámara Municipal de Ferrol.

A cita será musical e com duas sessons. Na sexta-feira 17, às 22h, contaremos com o hip-hop combativo de KaveGZ. O preço do bilhete será de 3 euros para sóci@s e de 2 para nom associad@s.

No sábado, mudaremos totalmente de estilo e estarám na Fundaçom Artábria os Íxiom, grupo compostelano de glam rock que trarám versons de Whitesnake, entre outros, e temas próprios.

O concerto está programado para as 22h00 e o preço do bilhete será de 3 euros para nom associad@s e 2 euros para associad@s.

Disponibilizamos galeria fotográfica da palestra que decorreu na tarde de ontem no nosso Local Social sobre a figura do Apalpador. André Seoane, sócio da Gentalha do Pichel explicou-nos os motivos que levárom à entidade cultural de Compostela a recuperar a figura do carvoeiro do Courel.

Apresentamos o calendário de actividades para as próximas semanas e que se enquadram no Programa Cultura Descentralizada 2010 em colaboraçom com a Concelheria de Cultura de Ferrol.

As actividades começam esta terça-feira às 20.30h com umha palestra a cargo do historiador André Seoane Antelo sobre a figura do Apalpador.

Na sexta-feira, 17 de Dezembro, será o turno da música hip-hop do viguês Kave Gz e o sound system de A Morrinha. O preço é de 3 euros para nom sóci@s e 2 euros para pessoas associadas. O Concerto começará às 22.00h.

No sábado 18, temos umha incorporaçom de última hora, desde Compostela chega o glam-rock de Íxiom. @s de Compostela trazeram versons oitenteiras de Whitesnake, firehous, Damn Yankees, além de temas próprios e umha espectacular versom heavy do tema de Suso Vaamonde, Companheiro Daniel. O preço é de 3 euros para nom sóci@s e 2 euros para pessoas associadas. O Concerto começará às 22.00h.

Já na próxima semana, o dia 23 de Dezembro, contaremos com as contadas dos Ghazafelhos e seu espectáculo "Contos para escagarrinhar-se". A actuaçom esta programada para as 21.30h e terá um bilhete de 2 euros para sócios e 3 euros para nom associad@s.

Segunda-feira, 27 de Dezembro, o professor da EOI de Ferrol, Maurício Castro falará-nos das ideias lingüísticas de Carvalho Calero. A palestra começará às 20.30h.

No dia 29 de Dezembro o protagonismo será para a magia da mao de Fiz O Mágico com um espectáculo para crianças mas nom só. A entrada será de balde.

Já no dia 30 de Dezembro, e para fechar estas actividades, o gigante carvoeiro baixará das montanhas do Courel para repartir castanhas entre as crianças. O Apalpador sairá às 17 horas do Bairro de Esteiro e percorrerá, acompanhado da música das gaitas, várias ruas de Ferrol até chegar ao Bairro da Madalena.