Diante das gravíssimas agressons que de maneira planificada estám a sofrer a classe operária e o conjunto do povo trabalhador, incluindo ataques a coberturas e direitos sociais e laborais adquiridos com décadas de luitas das geraçons que nos precedêrom, a Fundaçom Artábria quer manifestar o seu incondicional apoio à Greve Geral convocada pola CIG e outros sindicatos para 27 de Janeiro.

Consideramos necessário dar continuidade e incrementar o nível de mobilizaçom e luita de massas para defender os direitos da maioria contra as políticas aplicadas polos governos de Madrid e Compostela, submetidos às directrizes do grande capital financeiro e industrial, cuja aposta para a superaçom da atual crise passar pola precarizaçom das condiçons de vida da maioria para garantir os privilégios da classe dominante.

A Fundaçom Artábria, como entidade integrante dessa ampla maioria social desfavorecida polas draconianas políticas do capital contra o mundo do trabalho, nomeadamente a juventude e as mulheres, adere a todas as iniciativas que conduzam a umha maior unidade e resistência popular até a queda do atual sistema capitalista, verdadeiro inimigo dos povos e, no caso da Galiza, inimigo da sua liberdade nacional.

O 27 de Janeiro, todas e todos à Greve Geral!

Contra a reforma das pensons e contra o capitalismo!