Reproduzimos a saudaçom encaminhada pola nossa entidade para o acto de encerramento do IV Congresso da organizaçom juvenil da esquerda independentista BRIGA.

Car@s amig@s, car@s companheir@s,

Da Fundaçom Artábria queremos transmitir-vos umha calorosa e fraternal saudaçom neste IV Congresso que decorre hoje em Vigo. Lamentavelmente, foi impossível acompanhar-vos nesta nova cita congressual, mas tínhamos obrigaçom de estar presentes ainda que só fosse por meio desta breve saudaçom.

E dizemos que temos essa obrigaçom porque os nossos caminhos estám intimamente ligados desde que aquele 16 de Outubro de 2004 tinha lugar o vosso congresso constituinte no nosso Centro Social. Quase sete anos depois da realizaçom em Ferrol daquela assembleia, BRIGA e a Fundaçom Artábria continuam compartindo espaços de luita, principalmente na defesa da nossa língua e cultura nacional.

Como dizia aquele militante revolucionário ?A argila fundamental da nossa obra é a juventude, nela depositamos a nossa esperança e preparamo-la para tomar das nossas maos a bandeira?. Por isso nós dizemos, avante com BRIGA!, avante a juventude rebelde e combativa!

Trasancos, 8 de Fevereiro de 2011
(II Aniversário da jornada de luita nacional na defesa do nosso idioma)