Com umha destacada participaçom de homens e mulheres e com um bom ambiente na bancada, decorreu o I campeonato de pingue-pongue no passado 25 de fevereiro, no nosso Centro Social. Com um nível de jogo muito alto e umha fase de grupos e quartos de final muito disputados chegamos às meias-finais, em que se enfrentárom o Marcos contra o Louro e o Suso contra o Miguel. Polo caminho, fôrom caindo @s favorit@s, como Borjinha, Xavi Porto ou o Carlinhos, da Escola Soviética de Santa Icia.

Na primeira meia-final, o Louro, outro dos favoritos, sucumbiu ao jogo despregado polo seu rival e à presom ambiental das bancadas, claramente a favor do Marcos. O de Esteiro nom foi capaz de despregar o seu melhor jogo, talvez devido à utilizaçom por parte do Marcos da tática da "mao no bolso", caraterística do Louro, e finalmente caía derrotado por 2-0.

Na outra meia-final, o Suso ganhava 2-0 ao Miguel e passava a disputar o título contra o Marcos.

Já na final, o Marcos proclamou-se ganhador deste I Torneio com um resultado de 2-0.

Vituco foi o encarregado de entregar os prémios no nome da Fundaçom Artábria.

Sem dúvida, perante o êxito do campeonato, nom demorará a haver umha segunda ediçom.