« Novas mobilizaçons convocadas pola Assembleia Popular contra a GuerraArtábria voltou a lembrar Carvalho Calero ao pé da sua casa natal »

Artábria apoia concentraçom da Assembleia Popular contra a Guerra esta terça-feira 29

28-03-2011

  14:42:53, por artabria   , 360 palavras  
Categorias: Movimentos sociais, Actividades mês a mês

Artábria apoia concentraçom da Assembleia Popular contra a Guerra esta terça-feira 29

Na passada semana,umha assembleia promovida pola Fundaçom Artábria e convocada em regime de autoconvocatória reuniu diferentes entidades no nosso centro social: AVV Esteiro, NÓS-UP, Briga, Uniom Libertária, Associaçom Cultural Fuco Buxam, Coordenadora 0,0 e a própria Artábria, além de pessoas a título individual.

Aberta a novos apoios de coletivos e conformada como assembleia de participaçom pessoal, acordou-se convocar para esta terça-feira, dia 29 de março, umha concentraçom na praça do Concelho de Ferrol, às 20 horas, com a legenda "Nom à Guerra Imperialista".

A Fundaçom Artábria quer manifestar a sua adesom à iniciativa e a participaçom da nossa massa social na concentraçom desta terça-feira, que deverá recolher, de maneira plural, o grito coletivo da Terra de Trasancos contra a guerra imperialista.

Eis o texto aprovado pola Assembleia Popular contra a Guerra:

Concentraçom em Ferrol contra a guerra imperialista na Líbia

Líbia, um país que tem na sua posse 3,3% das reservas de petróleo do mundo, e que se encontra geo-estratégicamente situado em meio de países com recentes e importantes mudanças políticas, está sendo atacado por umha coligaçom de países ricos.
 
Mais umha vez, encontramos-nos que ante as revoltas que se estám a suceder numha parte do mundo (desta vez, o Norte de África) as potências ocidentais emergem como juízes do planeta e, abandeirados por Estados Unidos, com o prémio Nóbel da Paz à cabeça, optam por exercer o controlo sobre estes levantamentos para assim defender os seus próprios interesses.
 
O método: a intervençom armada.
 
A escusa que se escolheu deixa ver a hipocrisia dos governos que a promovem: a ajuda humanitária.
 
Nunca se viu que a maneira de proteger os civis seja bombardeando o povo.
 
Umha segunda guerra se livra atualmente nos meios de comunicaçom, onde os interessados alcançárom umha polarizaçom da notícia, dando-se a entender que se nom fores a favor desta guerra "legal" és a favor do ditador Kadaffi. A realidade nom é esta.
 
A Assembleia Popular Contra a Guerra convoca toda a cidadania, na próxima terça-feira 29 de março, às 20 horas na praça de Armas de Ferrol, a umha concentraçom em rejeiçom à intervençom armada de ocidente na Líbia, com a legenda:

NOM À GUERRA IMPERIALISTA

Sem comentários ainda

Horário de Abertura
- Segundas a sextas 10.00h-13.30h // 17.30h-feche
- Sextas e Sábados 18.00h-feche

A Associaçom Reintegracionista Artábria, nascida em 1992 em Narom, transformou-se em abril de 1998 em Fundaçom, inaugurando em setembro desse mesmo ano o seu Centro Social.

A Fundaçom Artábria está declarada de Interesse Galego e classificada de interesse cultural, com o número de inscriçom 54 e CIF:G15645518.


Para saberes mais, lê a definiçom da Artábria na wikipédia + info

Busca

Ferramentas de administraçom

  Feeds XML

free open source blog