No sábado dia 7 de maio, um grupo de alunos do companheiro agulhó, um dos que estám no nosso projeto desde a abertura do velho Centro Social na rua Madalena de Ferrol, organizou-lhe umha merecida homenagem polos seus longos anos de magistério como gaiteiro na nossa Terra de Trasancos.

Continua:

Vários companheiros e companheiras da Fundaçom Artábria estivérom presentes no ato, que decorreu na sala de festas A Concha, do Val (Narom), com o jovem discípulo gaiteiro Miguel Neira como mestre de cerimónias. Na festa participárom quase umha centena de amigos, amigas, companheiras e companheiros, e concluiu com umha ceia seguida de música de gaita, acordeom e tamboril, além das cantigas populares sempre presentes em qualquer festa gastronómica.

Na Fundaçom Artábria nom podíamos deixar de participar no evento, onde foi destacada a sua trajetória na nossa entidade, desde 1998 e até a atualidade, tanto como trabalhador manual nas obras para erguer o centro social, como à frente das aulas de gaita, em iniciativas gastronómicas, viagens e na organizaçom do Festival da Terra e da Língua.

O companheiro Nês foi um dos intervenientes no ato, reconhecendo publicamente e em nome da Fundaçom Artábria o compromisso com este projeto durante todos estes anos.

Sempre podemos contar com o Agulhó e, por isso, o Agulhó sempre vai poder contar connosco.