Passadas as 12.30 horas do passado sábado, partia da Praça do Hino Galego a ruada reivindicativa por um Ferrol e umha Galiza em galego.

Várias dúzias de pessoas associadas e amigas da nossa entidade marchárom polo centro de Ferrol após umha faixa sob a legenda ?todo o ano em galego?. O som das gaitas misturava-se com palavras de ordem como ?na Galiza só em galego?, ?Irisarri aprende galego?, ?Irisarri atende, em galego também se entende?, ?Governe quem governe, a língua nom se vende? ou ?galego e português, a mesma língua é?.

Após percorrer o Bairro da Madalena e o Cantom a ruada dirigiu-se ao bairro de Esteiro, acabando o percurso no nosso local social. Lá, a companheira Montse Dias leu o manifesto que a nossa entidade fijo público com motivo do Dia das Letras 2011.

O ato reivindicativo da jornada findou com o canto coletivo do nosso hino nacional, dando passagem a um jantar popular com o polvo e o churrasco como protagonistas.

Já à meia tarde, era o tempo para as crianças com os contos da companheira Eli Rojas.

Passadas as dez da noite e num local social lotado, Sés inaugurou o concerto prevsito. A impressionante voz de Maria Xosé Silvar, acompanhada à guitarra de Tito Calvinho, fijo-nos desfrutar com a sua descarga de ritmos e sons durante umha intensa hora.

Pouco depois, era a vez dos Nhió!. Pablo, Kiza, Xota, Cipri e Casti descarregárom os seus temas de punk-rock em galego e até se atrevêrom com algumha versom, como a do tema de Fujam os Ventos ?As Encrovas? ou a traduçom para a nossa língua do ?I don´t wanna grow up? dos Ramones, que agora se chama ?Eu nom quero medrar?.

Skarallaos fôrom os encarregados de encerrar umha jornada de reivindicaçom e muita festa, com o seu espetáculo em acústico. As influências de Gogol Bordello, Mano Negra, Che Sudaka ou La Pegatina estám presentes na sua música festeira.

Mas a festa nom concluiu aí e prolongou-se no café-bar da Fundaçom Artábria até altas horas.

Na tarde de hoje, temos umha nova cita para reivindicar a nossa língua no ato unitário que decorrerá às 18h na Praça de Rosalia de Castro.

Vemo-nos lá!