Quando resta pouco menos de um mês para o XI Festival da Terra e da Língua apresentamos o cartaz de esta ediçom.

A falta de confirmaçom de algumhas atividades para fechar o programa, podemos dizer já quais som os grupos que atuarám nesta nova ediçom.

Na sexta-feira, contaremos no Moinho de Pedroso com Nhio!, Residuos Atractivas, Sacha na Horta e EINA. No sábado, será a vez de Arenga, Chotokoeu, Die Tsunami e por último, os Dios ke te Crew.

Nos próximos dias estará disponível na rede o blogue com toda a informaçom desta nova ediçom do festival.

Da Fundaçom Artábria queremos agradecer a Raúl Gallego a magnífica ilustraçom realizada para o cartaz do XI Festival da Terra e da Língua deste ano 2011.

Mais um ano, na noite do 23 para o 24 de Junho a Fundaçom Artábria comemorará o solstício de verao, como é tradiçom na Galiza toda. A festa começará polas 21.30 e haverá música tradicional e chouriços a dous euros.

Na passada quinta-feira, no marco do Dia Mundial do Meio Ambiente, decorreu no nosso Centro Social umha palestra sobre energias renováveis.
O companheiro Xavi Picos, compartiu com várias sócias e simpatizantes da Artábria, a sua experiência na associaçom cultural Os Picos do Sol. Trabalhando com as cozinhas e fornos solares; com os placas termo-solares, para quentar água e fotovoltaicas, para gerar energia elétrica; como também das curiosidades e desconfianças que provocam na gente a energia solar.
Um campo inda por explorar no nosso País e que encerra um amplo abano de possibilidades. Umha nova economia baseada numha ciência a escala da necessidade humana e nom dos interesses das companhias multinacionais.