« Artábria lembrará Martinho no dia 26 de novembro, com música, poesia, audiovisual e um jantar de confraternizaçomDecorreu Sahmaim na Fundaçom Artábria »

Semana de solidariedade com a Palestina de 14 a 19 de novembro

04-11-2011

  00:58:54, por artabria   , 274 palavras  
Categorias: Actividades mês a mês

Semana de solidariedade com a Palestina de 14 a 19 de novembro

Na Fundaçom Artábria, como entidade com valores solidários e internacionalistas, queremos trazer à nossa Comarca um pouco mais de informaçom que ajude a estender a solidariedade com o povo da Palestina, dando a conhecer a sua realidade.

Para isto organizamos umha semana de solidariedade com a Palestina com um amplo programa de atividades.
Na segunda-feira, 14 de novembro, inauguraremos a exposiçom "Existir e Resistir. Seguimos sendo humanos" com umha série de fotografias de Jordan Valley Volunteer, pseudónimo dumha companheira, ativista do BDS-Galiza. A inauguraçom terá lugar às 20.00hs no nosso Centro Social.

Na quinta-feira, 17 de novembro, contaremos no nosso local social com Antom Gómez-Reino Varela, membro de BDS-Galiza e integrante da II Flotilha da Liberdade, o qual apresentará o trabalho do BDS e a sua experiência como solidário com a causa palestiniana. A palestra levará por título "Ativismos e solidariedade na Palestina Histórica" e dará começo às 20.30hs.

Na sexta-feira, 18 de novembro, às 20.30hs projetaremos no nosso Centro Social o documentário "Ocupaçom 101. A voz da maioria silenciada".
Este documentário apresenta umha análise sistemática dos factos e das verdades escondidas que rodeiam o conflito palestiniano. também explica a vida sob o regime sionista, o papel dos EUA no conflito e os principais obstáculos que impedem umha paz duradeira e viável.

No sábado 19 de novembro, a partir das 22hs, decorrerá umha ceia árabe com vários pratos títpicos da Palestina e do Líbano. Podes comprar o bono do jantar no balcom do café-bar da Fundaçom Artábria, ao preço de 10 euros. Também podes fazer a tua reserva escrevendo para o correio-e: correiodeartabria(arroba)gmail.com. Posteriormente à ceia, realizaremos um colóquio com Fayez Khalaf, filólogo e analista político especialista no mundo árabe.

Sem comentários ainda

Horário de Abertura
- Segundas a sextas 10.00h-13.30h // 17.30h-feche
- Sextas e Sábados 18.00h-feche

A Associaçom Reintegracionista Artábria, nascida em 1992 em Narom, transformou-se em abril de 1998 em Fundaçom, inaugurando em setembro desse mesmo ano o seu Centro Social.

A Fundaçom Artábria está declarada de Interesse Galego e classificada de interesse cultural, com o número de inscriçom 54 e CIF:G15645518.


Para saberes mais, lê a definiçom da Artábria na wikipédia + info

Busca

Ferramentas de administraçom

  Feeds XML

powered by b2evolution