Na passada sexta-feira 20 de janeiro, decorreu no Salom de Atos da EOI de Ferrol a apresentaçom da coleçom de Clássicos da Galiza e do Arquivo Digital da Academia Galega Língua Portuguesa.

As assitentes, tiverom ocasom de escoitar as palavras de Maria José Castelo, e dos académicos José Martinho Montero Santalha e Celso Alvarez Caccamo. Abriu o ato Maria José Castelo, secretária da Associaçom Cultural Pro-Academia, que apresentou o trabalho que desempenha e a finalidade desta entidade.
A seguir, o professor Celso Alvarez Cáccamo, apresentou o Arquivo Digital da AGLP(http://www.arquivo.academiagalega.org), um inovador repositório de materiais digitalizados sobre a língua e cultura galega e que pretende ser umha modesta aportaçom, surgida dumha iniciativa civil, para a conservaçom de parte do nosso patrimônio, tarefa que nom se leva a cabo por parte das intituiçons autonómicas. Este arquivo, contém materiais de texto, imagem, áudio e vídeo, disponibilizados baixo licença Creative Commos, isto é, de livre acesso, utilizaçom, distribuiçom e cópia, ademais dum rápido e eficiente sistema de pesquisas e catalogaçom, muito util para investigadoras e particulares.
Por último, o professor e presidente da AGLP, José Martinho Montero Santalha, apresentou a coleçom de Clássicos da Galiza, promovida póla AGLP e editada pola editorial catalana Edições da Galiza. Esta coleçom é umha reediçom dos grandes autores galegos adaptados ao Acordo Ortográfico de 1990 da língua portuguesa. Em concreto, o volume apresentado nesta ocasom, foi o Queixumes dos Pinhos de Eduardo Pondal. O académico trasanquês, comentou aspetos relacionados com a adaptaçom ortográfica a respeito do original e salientou que com esta ediçom, os clássicos galegos adaptam-se ao público lusófono em geral, passando a fazer parte do sistema lingüístico que lhe é próprio e no caminho do reencontro cultural com a nossa área natural de relacionamento internacional.
Desde a Fundaçom Artábria, queremos agradecer à EOI de Ferrol por cedernos o Salom de Atos como também ao Departamento de Português pola sua colaboraçom.