Como cada ano por estas datas, a Fundaçom Artábria junto com a Associaçom Vicinal de Esteiro, organizamos a elaboraçom dos Maios no bairro. Será o próximo sábado, 5 de maio às 11.30h na Praça do Hino Galego.
Podedes trazer as vossas flores, verde e froitas para ajudar a decora-lo. Anima-te!

Os ?maios? som umhas construçons vegetais que cada ano, a finais de abril ou princípios de maio, enchem as praças da Galiza toda, num ritual de fertilidade cuja finalidade principal é a de festejar a morte do inverno e a chegada da primavera, como também a de invocar o crescimento das colheitas e protege-las de possíveis ameaças naturais ou sobrenaturais.

A sua origem remonta-se à noite dos tempos, quando os primeiros moradores se perguntavam sobre a força renovadora que ano após anos, depois da época de escuridade, das chuvias e o frio, fazia germolar a semente e alfombrava os campos de moitas cores.