No dia de ontem, 17 de maio, milhares de pessoas saimos às ruas de Compostela para reclamar umha política lingüística favorável ao galego.

A Fundaçom Artábria, como anunciamos há vários dias, participou na mobilizaçom junto a outras entidades defensoras da unidade lingüística galego-luso-brasileira e do monolingüísmo social no "Bloco Laranja".

A Velha na Horta do Baixo Minho, ACO Baiuca Vermelha e a SCD do Condado, CS Lume! de Vigo, CS Gomes Gaioso de Corunha, Amig@s da Cultura de Ponte Vedra, AGIR, BRIGA, as organizaçons políticas o Partido da Terra (PT) e NÓS-UP, Siareir@s Galeg@s e o Diário Liberdade fôrom algumhas das entidades que chamárom a participar no "Bloco Laranja"

Após a faixa portada por representantes dos diferentes coletivos aderentes fôrom vários centenas de pessoas às que secundárom à convocatória do reintegracionismo de base. Dúzias de cartazes segurados com paus e bandeiras laranjas dérom colorido à mobilizaçom. "Na Galiza em galego", "A mim nom me enganam o Ñ é de Espanha", "Bilingüísmo é espanholismo", "Avante sem tregua com a língua galega" ou "galego e português a mesma língua é" fôrom algumhas das palavras de ordem mais repetidas durante o percurso polas ruas de Compostela.

Da Fundaçom Artábria consideramos necessário fazer notar a existência de umha importante base social defensora da unidade lingüística na prática, além da retórica teórica. Quem todo o ano trabalha polos objetivos teorizados polo ferrolano Carvalho Calero deve estar em cada mobilizaçom de rua reivindicando passos firmes nessa direçom.

Neste 17 de Maio, mais umha vez, aí estivemos, por umha Galiza em galego, pola unidade da língua e a sua plena normalizaçom.

Fotos: Rute Cortiço