Na manhá do passado domingo decorria na Praça de Rosalia de Castro, no Ensanche, o ato unitário polo Dia das Letras Galegas. No ato participárom distintas entidades da Comarca, entre elas o Toxos e Froles, Fundaçom Artábria, Ateneo Ferrolán, Asociación Cultural Fuco Buxán, Colectivo Sociocultural A Revolta de Trasancos, Asociación Lazos Pro Solidariedade, e a Asociación Sociocultural López Bouza.

O ato que comezou com a tradicional oferta floral na estátua da grande escritora galega contou com várias intervençons, poesia e música tradicional. O primeiro em intervir foi o companheiro da Fundaçom Artábria, Vituco Santalha, que deu leitura ao manifesto do "Bloco Laranja".
Posteriormente um companheiro de Fuco Buxán deu leitura a um poema de Rosalia de Castro.

Lupe Cês, foi a seguinte em intervir, manifestando a sua preocupaçom polo futuro da nossa língua e denunciando as políticas em materia de língua do Partido Popular. A companheira do CS A Revolta de Tasancos manifestou também a sua preocupaçom ante a notícia publicada há uns dias em alguns meios locais de que a entidade galegófoba Galicia Bilingüe solicitará o ingresso no Conselho Municipal da Língua.

Antes de fechar o ato com o canto do hino nacional, Agulhó deu leitura ao poema "O gaiteiro de Penalta" da autoria de Curros Enriques.

Fotos:Susete