Desde há várias semanas, @s companheir@s da Fundaçom Artábria estám a trabalhar no XII Festival da Terra e da Língua, que neste ano decorrerá no próximo dia 21 de julho e conta com várias novidades.

A mais destacável é a mudança de lugar deslocando-nos este ano para o centro de Narom, concretamente no passeio marítimo de Júvia. A segunda das novidades é que o festival passa de dous a um dia, embora haja atividades incorporadas ao programa do mesmo que descorrerám os dias prévios, como é o caso das palestras ou da exposiçom, na qual, mais um ano, contaremos com a ajuda d@s companheir@s de Galizacontrainfo.

Embora o programa esteja sem fechar, podemos adiantar que a temática escolhida este ano é a "Oficialidade das seleçons nacionais". Esta decisom nom é casual, e deve-se a que durante este verao se jogará primeiro na Polónia a Euro-taça de futebol e posteriormente os Jogos Olímpicos em Londres. Podemos, portanto, assegurar que voltaremos a sofrer umha overdose de espanholismo nos meios de (des)informaçom, que venderám umha e outra vez os "êxitos" de "La Roja". Perante essa campanha propagandística alheia ao nosso país, nós manifestaremos que "A nossa é a galega".

Nos próximos dias estará disponível na rede o blogue com toda a informaçom desta nova ediçom do festival.