A Fundaçom Artábria subscreve o manifesto da Plataforma Cidadá Contra o Malgasto e chama à sua base social a assistir à concentraçom que terá lugar hoje às 18h na Praça do Concelho, coincidindo com o Pleno no que a Plataforma apresentará umha Moçom contrária ao malgasto de mais dinheiro público na Praça da Porta Nova.

Eis o Manifesto:

INTERVENÇOM NO PLENO MUNICIPAL SOBRE A PRAÇA DA PORTA NOVA

O coletivo ao que represento, formado por entidades vicinais, sociais e culturais, apresentamos por registro o passado día 19 de junho umha proposta, que seria recolhida polos grupos municipais da oposiçom PSOE, EU e BNG, dándo-lhe forma de moçom, para informar e debater neste Pleno o anuncio do governo municipal de levar a cabo um novo projeto e novas obras na ?Praça de Espanha?.
Ante esta decisom, tomada polo Partido Popular, de fazer un investimento de mais de 700.000 ? num espaço que, por fim a cidadania dava por rematado, parece-nos um despropósito e um malgasto do dinheiro público que merece un debate entre os cidadaos e os nossos representantes políticos.
Há que apelar à memoria e recordar que este mesmo partido que hoje está a governar em Ferrol e que nos apresenta un novo projeto para a Praça da Porta Nova com a intençom, non de reamata-la ultimando as obras pendentes já orçamentadas (que há que dizer que já levam um ano paralisadas) senóm com a intençom dumha nova remodelaçom, com a mudança do pavimento incluido, é o mesmo partido que governou esta cidade entre 2003 e 2007 no que estava o atual Alcalde de Ferrol, José Manuel Rei Varela e dous dos seus mais destacados colaboradores, José Manuel Vilarinho Anca e Guillermo Evia Pérez, e que no seu momento já dilapidarom 7,9 milhons de euros em indemnizaçons polo seu malgoverno. Nós preguntámo-nos por que nesse momento nom apresentarom este projeto que agora, repetimo, umha vez rematada práticamente esta praça, pretendem levar adiante com a disculpa de criar un ?pulmom verde? para esta cidade? Por que, en lugar de querer fazer nesse momento um gram prédio para lucro e usos privados no meio da Praça e deixar-nos esse espaço cheio de estruturas de aceiro-cortem, por nom falar dum túnel que aos três dias de inaugurado houvo que fecha-lo para fazer reformas, que se sulaga quando chove e que a dia de hoje está cheio de buratos, nom figerom os deveres que agora pretendem fazer, vendéndo-nos que há que melhorar a Praça? Por que gastarom tantos milhons nessa Praça se agora, passados 5 anos, os mesmos que governavam nesse momento pretendem levanta-la e faze-la de novo?

Este coletivo que represento, opom-se a que se gaste mais dinheiro na ?Praça de Espanha? porque já se levam gastado moitos milhons. Estamos falando de mais de 16,5 milhons de euros já soterrados neste espaço. Queremos aproveitar este momento, apelando ó exercicio de trasparencia do que fai alarde o nosso Alcalde, para solicitar as contas do que se leva investido na Porta Nova desde que começarom as obras até hoje.
Porque eses centos de miles de euros, que se pretendem gastar, a maiores, na Praça, consideramos que nom se deven gastar aí, pois há outras necessidades urgentes e algumhas de atuaçom imediata que se devem de abordar já. A proba som as centos de demandas vicinais feitas nas 24 assembleias de bairro realizadas nos últimos meses. Por ponher alguns exemplos: reparaçom da Praça do Callao; reparaçom imediata da cuberta do mercado de Carança e a sua posterior rehabilitaçom; eliminaçom das múltiples barreiras arquitetónicas que ainda ficam na cidade; contrataçom de quadrilhas de trabalhadoras e traballadores desempregad@s para a limpeza das zonas intre-mareais da Ria; reparaçom da maioria das fontes que há na cidade hoje abandonadas; mantemento dos colegios públicos; soterramento das linhas de alta-tensom de Santa Marinha e Carança; limpeza de montes e pistas forestais; limpeza e baleirado de prédios em ruinas ou abandonados; reparaçom das fochancas por todo Ferrol; uniom do Parque Pablo Iglesias com o bairro de Ultramar; reparaçom do parque municipal de vivendas baleiras de Recimil; apoio aos projetos culturais do tecido sociocultural de Ferrol; reparaçom do coletor de augas fecais que verte diretamente na praia de Carança e leva quebrado desde finais do verao passado e denunciado desde o 3 de Outubro de 2011, sem que o Concelho figesse nada até o de agora; ajudas a entidades socio-sanitarias às que se lhes rebaixa o subsidio; extensom da rede de comedores sociais, principalmente os comprometidos nos bairros de Catabois e Esteiro; plano de ordenaçom forestal; em colaboraçom com a Junta, constituiçom dum parque público de vivendas sociais para alugar; melhora das novas tenologias nas zonas de sombra da zona rural; aumento da partida para ajudas de emergencia social; parque urbano no campo de tiro, en Catabois ...e, por suposto, dar cumprimento aos acordos das Assembleias cidadans nos orçamentos participativos dos anos 2009 e 2010. Poderiamos seguir com moitas mais necessidades urbanísticas, de criaçom de emprego e sociais que requeririam do dinheiro que se pretende dilapidar numha nova remodelaçom da Praça, mas nom nos chegaria o tempo do que disponhemos aquí.
Queremos mencionar ademáis algo que ocorreu o passado 9 de junho quando o Alcalde recebia a membros desta Plataforma. Nessa reuniom os representantes cidadaos expugerom-lhe a posiçom a respeito da Praça. Nom se trata dumha oposiçom ao projeto, senóm ao gasto que supom. Esse mesmo dia, sae anunciando nos meios de comunicaçom, que a empresa concesionária do estacionamento -Estacionamientos del Noroeste- pagará parte das obras de remodelaçom da Praça, com 345.135,17 euros. Quantidade que diz que corresponde aos direitos económicos de financiamento que a administraçom local possue sobre esta concessom e que segundo diz aos meios, "nunca forom reclamados?.
Forom membros do próprio partido responsavel do governo anterior, as que se encarregarom de contraatacar (A Plataforma nom podiamos entrar a valorar asuntos de tesoureria que desconheciamos), acusando ao Alcalde, José Manuel Rei Varela, de mentir. Aseguram que essa partida (os 345.135,17 euros) está "consignada mediante um aval bancário na pertinente anualidade do Concelho desde maio de 2004, durante o mandato presidido polo também popular Juan Juncal, e no que o atual alcalde, José Manuel Rei Varela, era vereador de Fazenda".

"A concesionária estava obrigada a pagar 505.039 euros ao finalizar a obra do subsolo e o governo de Juncal utilizou 159.904 euros dessa partida; os 345.135 restantes estam em Tesoureria, consignados, desde 2004, é dizer, fam parte dos fondos públicos do Concelho ferrolano.

Nom houvo resposta do Alcalde a estas afirmaçons. Polo tanto, preguntámo-nos qual é a intençom do Sr. Alcalde ao fazer umha afirmaçom que, semelha, nom se correspondem com a realidade?

Para nós a intençom é clara: Com isto o Alcalde pretende demonstrar a sua austeridade, dizendo que vai gastar menos do que tinha previsto gastar o governo anterior. Intentando, deste jeito, acalar as críticas polo gasto innecessário e ademais, ao tempo, desviar as críticas contra o anterior governo municipal.
Este assunto reforça os nossos argumentos da solicitude, anteriormente citada, de que se dé a conhecer o gasto total das obras da Praça da Porta Nova, pois tentar manipular e mentir tem que ter um custo político e pessoal.
As entidades vicinais e sociais que conformamos esta Plataforma contra o malgasto do dinheiro público por parte do governo municipal, depois dos infrutuosos intentos para ser escoitados os nossos argumentos, decidimos pasar a umha reivindicaçom ativa: apresentando esta proposta ao Pleno; realizando mobilizaçons de protesta; recolhendo assinaturas de rejeitamento do malgasto e de solicitude dumha 'Consulta Popular', onde a cidadania poda expressar onde quere que se gastem esses centos de miles de euros, se na Praça de Espanha, ou nas necessidades mais urgentes e inmediatas que tem o Concelho.
Com estas açons pretendemos que fique claro que somos moitas e moitos os cidadaos os que estamos em contra de que se gastem 700.000 euros mais na Praça da Porta Nova. Queremos denunciar que já se levam gastado moitos milhons nessa Praça que nunca se acaba de remodelar por completo.
queremos denunciar que nos bairros há moitas necessidades urgentes que requirem desse dinheiro que se quere malgastar na Praça.
Queremos que se entenda bem que nom é o projeto o que rejeitamos, pois pode ser melhor ou pior, senóm o assunto do gasto de centos de miles de euros, quando consideramos que há outras necessidades.
Por último, e apelando de novo à pilítica de austeridade da que fai gala este governo, assí como às palavras do próprio Alcalde sobre a importáncia que para este governo tem a Participaçom Cidadá.

SOLICITAMOS a retirada do projeto da Praça da Porta Nova já que a consideramos rematada, agás certas atuaçons de arranjo nas confluencias com as ruas Rochel e Real, a zona onde estava prevista a colocaçom da fonte e a posta em marcha dos locais situados na Praça.

Ferrol, a 28 de junho de 2012