Diante das gravíssimas agressons que de maneira planificada estám a sofrer a classe trabalhadora galega, incluindo ataques a coberturas e direitos sociais e laborais adquiridos com décadas de luitas das geraçons que nos precedêrom, a Fundaçom Artábria quer manifestar o seu incondicional apoio à Greve Geral convocada para amanhá, 14 de novembro. O nosso Local Social permanecerá fechado durante toda a jornada.

A Fundaçom Artábria, como entidade integrante dessa ampla maioria social desfavorecida polas draconianas políticas do capital contra o mundo do trabalho, nomeadamente a juventude e as mulheres, adere a todas as iniciativas que conduzam a umha maior unidade e resistência popular até a queda do atual sistema capitalista, verdadeiro inimigo dos povos e, no caso da Galiza, inimigo da sua liberdade nacional. Apelamos à nossa base social a participar ativamente na jornada tanto nos piquetes informativos como nas mobilizaçons.

O 14 de novembro, todas e todos à Greve Geral!

Porque Greve e nom Folga?

No galego tradicional e no português, a palavra 'folga' nom remete para umha reivindicaçom laboral, senom para um dia de descanso. O domingo é o clássico dia de folga semanal, por exemplo. Com o primeiro valor, devemos empregar a palavra 'greve'. Neste vídeo a Gentalha do Pichel defende a distinçom de usos de ambos os termos, aderindo à Greve Geral do dia 14 de Novembro de 2012.